kraamaat@gmail.com
+ +92 333-430-6384


کرونا دی تیجی لہر، 1 دن وچ ہور 96 بندے و اصل، 4974نویں کیسز ……٭رویل خبر٭


نمائندا رویل April 02, 2021


اسلام آباد (نیوز ڈیسک) کرونا دی تیجی لہر شدت اختیار کر گئی‘ جان لیوا وایرس نال 1 دن وچ ہور 96 بندے و اصل ہو گئے جد کہ 4 ہزار 974 نویں مثبت کیسز رپورٹ ہوئے نیں جہدے نال پاکستان وچ کرونا دے مصدقا روگیاں دی گنتی 6 لکھ 72 ہزار 931 ہو گئی اے۔ سرکاری آنکڑیاں مطابق ایس ویلے پورے ملک وچ کرونا دے فعال روگیاں دی گنتی 53 ہزار 127 اے جد کہ 3 ہزار توں ودھ روگیاں دی حالت ماڑی اے۔ پچھلے 24 گھنٹیاں دے دوران پورے ملک وچ کرونا نال ہور 96 بندیاں دے واصل ہون بعد مرن والیاں دی مجموعی گنتی 14 ہزار 530 ہو گئی اے۔ این سی او سی دے مطابق کرونا توں 1 دن وچ 2 ہزار 148 روگی صحت یاب ہوئے جہدے بعد صحت یاب ہون والے روگیاں دی گنتی 6 لکھ 5 ہزار 274 ہو گئی اے۔ حکومت دے نال ہر تعاون لئی تیار آں:سینٹ اپوزیشن لیڈر یوسف رضا گیلانی ……٭رویل خبر٭ اسلام آباد (نیو ز ڈیسک) سینیٹ وچ اپوزیشن لیڈر یوسف رضا گیلانی نے کہیا اے کہ انتخابی اصلاحات ضروری نیں‘ حکومت دے نال ہر تعاون لئی تیار آں۔ ایوان بالاء وچ قئاد حزب اختلاف سینیٹر سید یوسف رضا گیلانی نے باقاعدا طور اُتے پارلیمنٹ ہاؤس وچ اپنے چیمبر آن دے بعد روز مرا دے دفتری امور دی ادائیگی شروع کر دِتی۔ سینیٹر سید یوسف رضا گیلانی نے کہیا کہ ایوان بالاء وچ ملک تے قوم دے مفاد وچ قانون سازی دے نال نال عوامی مسئلیاں نُوں اُجاگر کرن لئی مؤثر اقدامات چُکے جان گے تے کوشش کیتی جاوے گی کہ آئینی امور دی انجام دہی دے عمل نُوں آپسی افہام تفہیم نال اگے ودھایا جاوے۔ صحافیاں نال گلبات کردیاں ہویاں اوہناں نے کہیا کہ سپیکر قومی اسمبلی اسد قیصر نے انتخابی اصلاحات تے ایوان دی کارروائی لئی تعاون منگیا۔ جدوں اوہناں توں سوال کیتا گیا کہ تہاڈا 6 ازاد اراکین نال رابطا اے جہدے اُتے اوہناں نے جواب دِتا کہ اوہ ازاد اراکین پارلیمنٹ دے نال مسلسل رابطے وچ نیں‘ اسیں چاہندے آں پارلیمنٹ دا ماحول چنگا ہونا چاہید اے۔