دیس وچ ہفتا وار مہنگائی دی شرح 17.21 فیصد اُتے پہنچ گئی،اِک ہفتے وچ  15 شیواں مہنگیاں ہوئیاں‘ کھنڈ دی سنچری ……٭رویل خبر٭

اسلام آباد (نیوز ڈیسک) پورے ملک وچ ہفتا وار مہنگائی دی شرح 17.21 فیصد اُتے پہنچ گئی اے۔ کھنڈ دی اوسط فی کلو قیمت دی اِک واری فیر سنچری مکمل ہو گئی اے۔ ادارا شماریات نے ہفتا وار مہنگائی دی رپورٹ جاری کردیاں ہویاں دسیا کہ اِک ہفتے وچ 15 لوڑی دیاں شیواں مہنگیاں ہوئیاں‘ کھنڈ اوسط 1 رُپیا 90 پیسے فی کلو ہور مہنگی ہو گئی‘ کھنڈ دی اوسط فی کلو قیمت 100رُپئے 92 پیسے ہو گئی اے۔ ادارا شماریات دے مطابق مٹن دی اوسط فی کلو قیمت 10 رُپئے 53 پیسے ودھی۔ بیف دی فی کلو قیمت وچ 4 رُپئے 44 پیسے وادھا ہویا۔ حالیا ہفتے گھیو فی کلو 83 پیسے مہنگا ہویا۔ دُدھ 12 پیسے‘ دہی 23 پیسے فی کلو مہنگا ہویا۔ آٹے دا 20 کلو دا تھیلا 1 رُپیا 9 پیسے مہنگا ہویا۔