کشمیر نُوں حق خُد ارادیت دِتے بغیر بھارت دے نال تعلقات نارمل نہیں ہو سکدے: وزیراعظم عمران خان……٭رویل خبر٭

اسلام آباد (نیوز ڈیسک) وزیراعظم عمران خان نے دو ٹوک پیغام دیندیاں ہویاں کہیا اے کہ کشمیر نُوں حق خُد ارادیت دِتے بغیر بھارت دے نال تعلقات نارمل نہیں ہو سکدے۔ تفصیلات مطابق وزیراعظم عمران خان دی صدارت ہیٹھ بھارت دے نال تعلقات دے حوالے توں جمعے والے دن اہم اجلاس ہویا جہدے وچ وزیر خارجا محمود قریشی تے وزارت خارجا دے اعلا حکام نے رلت کیتی۔ اجلاس وچ وزارت خارجا ولوں بھارت نال تجارت دے حوالے توں تجویزاں اُتے بریفنگ دِتی گئی تے اتفاق ہویا کہ بھارت دے نال کسے قسم دی تجارت نہیں ہو سکدی۔ وسیلیاں مطابق اجلاس وچ بھارت دے نال تجارت بحال نہ کرن دے فیصلے اُتے اتفاق کردیاں ہویاں کہیا گیا کہ مقبوضا کشمیر دی آئینی صورتحال بحال ہون تک کسے قسم دی تجارت نہی ہو سکدی۔ وزیراعظم عمران خان دا کہنا سی کہ ساڈا اصولی موقف اے کہ کشمیر دا مسئلا حل کیتے بغیر بھارت دے نال تجارت نہیں ہووے گی‘ ایہدے نال غلط تاثر جاوے گا کہ اسیں کشمیر نُوں نظر انداز کر کے بھارت نال تجارت شروع کریے۔ کشمیر نُوں حق خُد ارادیت دِتے بغیر بھارت نال تعلقات نارمل نہیں ہو سکدے۔