kraamaat@gmail.com
+ +92 333-430-6384


حقیقی فنکار اوہی اے جہڑا اپنے کم نال کم رکھے: زارا اکبر……٭رویل خبر٭


نمائندا رویل April 03, 2021


لاہور (نمایندا رویل) نامور اداکار زارا اکبر نے کہیا اے کہ ایہو جہیاں ناں نہاد اداکاراواں وی نیں جہڑیاں اپنے فن دی بجائے بدمعاشاں تے غنڈیاں دے بل بوتے اُتے تھیٹراں اُتے راج کردیاں نیں تے ایہناں دی وجھا توں ای حقیقی فنکاراں نُوں وی معاشرے وچ چنگی نظر نال نہیں ویکھیا جاندا۔ اِک انٹرویو وچ زارا اکبر نے کہیا کہ ایہ ناں نہاد اداکاراواں فن دے لفظ توں وی آشنا نہیں ہوندیاں تے صرف غنڈا عناصر دے بل بوے اُتے دولت تے شہرت دے حصول لئی تھیڑ دا رُخ کردیاں نیں۔ اوہناں نے کہیا کہ حقیقی فنکار اوہی ہوندا اے جہڑا اپنے کم نال کم رکھدا اے۔ میرے سنے کئی اداکاراواں ایہو جہیاں نیں جہناں نے سینکڑاں ڈرامیاں وچ کم کیتا اے تے کسے نال کوئی تعلق نہیں رکھیا۔