بھارتی اداکار امیتابھ بچن نے کرونا ویکسین لگوا لئی، ابھشیک نُوں چھڈ کے پورے ٹبر نے پہلی ڈوز لگوا لئی اے:……٭رویل خبر٭

ممبئی (نیٹ نیوز) بالی ووڈ دے معروف اداکار امیتابھ بچن نے کرونا وایرس دی پہلی ڈوز لگوا لئی اے۔ بھارتی میڈیا مطابق بالی ووڈ دے لیجنڈ اداکار امیتابھ بچن‘ بالی ووڈ دیاں اوہناں مشہور شخصیات وچ شامل ہو گئے نیں جہناں نے کرونا ویکسین دی اپنی پہلی خوراک لے لئی اے۔ ویکسین لگوان بارے تجربیاں نُوں اداکار ولوں جمعے دی سویر اپنے بلاگ اُتے شیئر وی کیتا گیا۔ اداکار نے لکھیا کہ اوہناں نے اج دُپہر کرونا وایرس دی ویکسین لگوا لئی اے! سبھ ٹھیک اے۔‘ بگ بی نے دَسیا اے کہ اوہناں دے پُتر ابھیشیک بچن نُوں چھڈ کے اوہناں دی فیملی دے سارے بندیاں نُوں کرونا ویکسین دی پہلی ڈوز دے دِتی گئی اے۔ امیتابھ نے ویکسین لگواندیاں ہویاں لئی گئی تصویر وی شیئر کیتی اے۔