پرایویٹ تعلیمی اداریاں دے وفد دی اسد عمر نال ملاقات،دو دن سکول کھولن دی تجویز اُتے غور کراں گے: اسد عمر……٭رویل خبر٭

لاہور (نیوز ڈیسک) نیشنل کمانڈ اینڈ کنٹرول سینٹر (این سی او سی) دے آگو اسد عمر دا کہنا اے کہ ہفتے نُوں اجلاس وچ 2 دن سکول کھولن دی تجویز اُتے غور کراں گے۔ کرونا وایرس دی وباء کارن تعلیمی اداریاں دی بندش دے معاملے اُتے نجی تعلیمی اداریاں دے نمایندا وفد نے این سی او سی دے آگو اسد عمر نال ملاقات کیتی۔ وسیلیاں دا کہنا اے کہ ملاقات وچ تعلیمی ادارے کھولن‘ کرونا وایرس دے ایس او پیز اُتے عملدرآمد دا جایزا لیا گیا‘ ملاقات وچ نجی تعلیمی اداریاں نُوں درپیش اوکڑاں تے اوہناں دے حل اُتے گلبا ت وی کیتی گئی۔ وفد نے اسد عمرنال حکومتی اعلان کردا ریلیف پیکج دی فراہمی وچ دیر دا معاملا وی چُکیا۔ اسد عمر نے کہیا کہ امدادی ریلیف پیکج دی سمری فوری تیار کر کے تعلیمی اداریاں لئی سہولت کیتی جاو ے گی۔