kraamaat@gmail.com
+ +92 333-430-6384


کرونا دی تیجی لہر وچ جان لیوا وایرس نال ہور 118 بندے چلانا کر گئے جد کہ 5 ہزار توں ودھ نویں کیسز ……٭رویل خبر٭


نمائندا رویل April 16, 2021


اسلام آباد (نمایندا رویل) کرونا دی تیجی لہر وچ جان لیوا وایرس نال ہور 118 بندے چلانا کر گئے جد کہ 5 ہزار توں ودھ مثبت کیسز رپورٹ ہوئے نیں۔ نیشنل کمانڈ اینڈ اپریشن سینٹر ولوں جاری کردا آنکڑیاں مطابق پچھلے 24 گھنٹیاں دوران ہور 5 ہزار 395 مثبت کیسز رپورٹ ہوئے نیں‘ ایس طرحاں پاکستان وچ کرونا دے مصدقا روگیاں دی گنتی 739`818 ہو گئی اے‘ ایس ویلے ملک وچ کرونا دے فعال روگیاں دی گنتی 77 ہزار 294 اے جد کہ 4 ہزار توں ودھ روگیاں دی حالت ماڑی اے۔ پچھلے 24 گھنٹیاں دوران پورے ملک وچ کرونا نال ہور 118 بندے واصل ہو گئے نیں جہدے بعد ہُن ایس وباء نال واصل ہون والے بندیاں دی گنتی مجموعی طور اُتے 15 ہزار 872 ہو گئی اے۔ این سی او سی دے مطابق کرونا توں 1 دن وچ 4 ہزار 740 روگی صحت یاب ہوئے جہدے بعد صحت یاب ہون والے روگیاں دی گنتی 646`652 ہو گئی اے جد کہ ملک وچ کرونا وایرس نال ہور 2 بچے وی چلانا کر گئے نیں۔ ویسلیاں مطابق ملک وچ ہُن تک 1 توں 10 سال تک دے 44 بچے جان دی بازی ہار چکے نیں۔