kraamaat@gmail.com
+ +92 333-430-6384


آمدن توں ودھ اثاثیاں دے کیس وچ ضمانتی مچلکے جمع نہ ہو سکے،شہباز شریف دی رہائی عملی طور اُتے رُک گئی……٭رویل خبر٭


نمائندا رویل April 17, 2021


لاہور (نمایندا رویل) مسلم لیگ ن دے صدر تے قومی اسمبلی وچ قائد حزب اختلاف میاں شہباز شریف دی رہائی عملی طور اُتے رُک گئی‘ ضمانتی مچلکے جمع نہ ہو سکے۔ وسیلیاں دا کہنا اے کہ فیصلے والے دن وکلاء نُوں اسسٹنٹ رجسٹرار نے ڈویژن بینچ ولوں ضمانت منطور ہون دا دَسیا سی۔ وسیلیاں دے مطابق مختصر حکم وچ دوہاں ججز صاحبان دے دستخط نہ ہون دے کارن ضمانتی مچلکے جمع نہ ہو سکے۔ جسٹس اسجد جاوید گھرال ولوں اختلافی نوٹ ساہمنے آ رہیا اے۔ قانونی ماہرین کہندے نیں کہ اختلافی نوٹس ساہمنے آن اُتے معاملا چیف جسٹس لاہور ہائیکورٹ نُوں گھلیا جاوے گا۔ چیف جسٹس لاہور ہائیکورٹ ایس صورتحال وچ فیصلے لئی ریفرل جج مقرر کرن گے۔