پنجاب دے 13 ضلعیاں وچ سکولاں دا شیڈول جاری،پہلی توں 8 ویں جماعت تک سکول عید الفطر تک بند رہن گے: مراد راس……٭رویل خبر٭

لاہور (نیوز ڈیسک) پنجاب دے وزیر تعلیم مراد راس دا کہنا اے کہ صوبے دے 13 ضلعیاں وچ پہلی توں 8 ویں جماعت تک سکول عید الفطر تک بند رہن گے‘ جد کہ 9 ویں توں 12 ویں جماعت تک سکول 19 اپریل توں کھل جان گے۔ مراد راس نے اپنے بیان وچ کہیا کہ 9 ویں توں 12 ویں جماعت تک کلاساں دو دن پیر تے جمعرات نُوں ہون گیاں‘ ایہناں 2 دناں وچ پڑھیاراں دی 50 فیصد حاضری ہووے گی۔ وزیر تعلیم پنجاب نے کہیا کہ 13 ضلعیاں وچ راولپنڈی‘ لاہور‘ گجرات‘ گوجرانوالا‘ ملتان‘ بہاولپور‘ سیالکوٹ‘ سرگودھا‘ فیصل آباد‘ ٹوبا ٹیک سنگھ‘ رحیم یار خان‘ ڈی جی خان تے شیخوپورا شامل نیں۔ مراد راس نے کہیا کہ صوبے وچ نوویں توں بارھویں تک امتحانات شیڈول دے مطابق ہون گے۔