عارف لوہار دی حمد ”میرا اللہ اِک‘ قرآن ہے اِک“ ریلیز،ریلیز کیتی جان والی حمد دی شاعری ایس ایم صادق نے لکھی اے……٭رویل خبر٭

مانگا منڈی (اُچیچا نمایندا) بین الاقوامی شہرت یافتا فوک گلوکار عارف لوہار دی رمضان سپیشل حمد ”میرا اللہ اِک‘ قرآن ہے اک“ریلیز کر دِتی گئی۔ ایس خصوصی حمد نُوں پچھلے دن ایس ایم گولڈ کمپنی نے اپنے آفیشل یوٹیوب چینل تے ہور سوشل سائٹاں اُتے ریلیز کیتا اے۔ ایس حمد دی شاعری نامور شاعر ایس ایم صادق دی لکھی ہوئی اے ایہدی ویڈیو ڈائریکشن سحر صادق دی اے جد کہ ایہدے ریکارڈ سٹ وسیم صادق نیں۔ اِک ملاقات وچ عارف لوہار نے دَسیا کہ اوہناں دی ایہ حمد رمضان دے مہینے لئی خصوصی طور اُتے ریکارڈ کیتی گئی اے جہنوں پاکستان دے نامور شاعر ایس ایم صادق نے لکھیا اے۔ عارف لوہار دا کہنا سی کہ اوہناں دے پرستار اوہناں دی ایس نویں حمد نُوں بہت زیادا پسند کر رہے نیں۔