اداکار جیکی چن دا اپنی ساری دولت دان کرن دا اعلان ……٭رویل خبر٭

لاس اینجلس (نیٹ نیوز) اداکار جیکی چن نے کجھ دن پہلاں ای وچ 67 ویں سالگرھا منائی تے اوہ ایس عمر وچ وی دنیا دے کجھ سبھ توں ودھ کمان والے اداکاراں وِچوں اِک نیں۔ بھاویں اوہناں دا تعلق چین توں اے پر اوہ ہالی ووڈ وچ وی بہت زیادا مقبول نیں۔ فوربز دے تخمینے مطابق جون 2019 توں جون 2020 دے دوران جیکی چن نے 4 کروڑ ڈالر کمائے۔ اوہ مجموعی طور اُتے 35 کروڑ ڈالرز دے مالک نیں پر ایہدے وِچوں 1 ڈالر وی اوہناں دے اکلوتے پُتر جیسی چن نُوں نہیں ملے گا۔ جیکی چن نے ایہ اعلان اِک دہاکے پہلاں کیتا سی کہ اوہ اپنی ساری دولت فلاحی کماں لئی عطیا کر جان تے پُتر نُوں کجھ نہیں دِتا جاوے گا۔ ایس موقع اُتے اوہناں نے کہیا سی کہ میں اپنے پُتر لئی فلمی کیریئر دے دوران کمائے گئے کروڑاں ڈالر چھڈن دی کوئی منصوبا بندی نہیں کیتی‘ جے اوہ کسے قابل ہویا تے اپنی قسمت آپ بنا لوے گا تے نا اہل ہویا تے میری دولت نُوں ضایع کر دیوے گا۔‘