”نواں پاکستان‘ نواں نظام“ آبیانا دا اِ ک صدی پرانا نظام ختم……٭رویل خبر٭

لاہور (نمایندا رویل) وزیر اعلا پنجاب سردار عثمان بزدار دی ہدایت اُتے صوبے دے کاشتکاراں نُوں سہولت دین لئی جدید ای آبیانا نظام متعارف کروا دِتا گیا اے۔ 90 شاہراہ قائداعظم اُتے اج ای آبیانا بلنگ سسٹم متعارف کروان دے حوالے توں تقریب منعقد ہوئی۔ وزیر اعلا عثمان بزدار تقریب دے اُچیچے پروہنے سن۔ وزیر اعلا عثمان بزدار نے کاشتکاراں توں آبیانا وصولی دے جدید ای سسٹم دا افتتاح کیتا۔ وزیر اعلا عثمان بزدار نے کہیا کہ آبیانا وصولی دے جدید ای سسٹم رائج ہون نال آبیانا دے اِک صدی پرانے نظام دا خاتما ہو گیا اے۔ پہلے مرحلے وچ 4 پائلٹ کینال ڈویژنز خانواہ‘ لیہ‘ قصور تے شیخوپورا وچ ای آبیانا نظام د اجراء کیتا گیا اے تے ایس نظام نُوں بتدریج صوبے وچ متعارف کروایا جاوے گا۔