چنگی توں چنگی پرفارمنس وکھان دی کوشش کردی آں: آشا چودھری ……٭رویل خبر٭

لاہور (نمایندا رویل) اداکارا تے پرفارمر آشا چودھری نے کہیا اے کہ صرف شوبز ای نہیں سگوں ہر شعبے وچ انسان ہر دن نواں سکھدا اے تے ایہنوں اگے ودھن لئی سکھنا وی چاہیدا اے۔ اِک انٹرویو وچ اوہناں دا کہنا سی کہ میں اپنی پرفارمنس دا ویڈیوز راہیں جایزا لیندی آں تے فیر ایہدے وچ ساہمنے آن والیاں کمیاں کوتاہیاں نُوں دور کرن دی کوشش کردی آں جہدے نال میرے فن وچ نکھار آیا اے۔ اپنے فن دی آپ سبھ توں وڈی نقاد آں‘ اپنی پرفارمنس دا جایزا لیندی آں۔ جہدے نال مینو کمیاں کوتاہیاں دور کرن وچ اسانی ہوندی اے۔ آشا چودھری نے کہیا کہ مثبت تنقید دا کدی وی بُرا نہیں منایا سگوں موجودا دور وچ ایہو جہے لوکاں نُوں اپنا خیر خواہ سمجھدی آں۔