فلماں معاشرتی روایتاں نُوں زندا رکھن وچ اُچیچا کردار ادا کر سکدیاں نیں  : ہانیہ خان ……٭رویل خبر٭

لاہور (نمایندا رویل) نامور اداکارا تے ماڈل ہانیہ خان نے کہیا اے کہ چنگی کہانی فلم دی کامیابی وچ اہم کردار ادا کردی اے‘ معاشرتی قدراں نُوں بہتر طور اُتے فروغ دین لئی سانوں پاکستانی فلماں وچ مثبت سوچ اپنانی پوے گی۔ ہانیہ خان نے کہیا کہ گلوبل کلچر ہُن ساڈے ملک دا حصا بندا جا رہیا اے‘ اپنیاں تہذیبی تے معاشرتی روایتاں نُوں زندا رکھن وچ چنگی تربیت اہم کردار ادا کر سکدی ے‘ اِک سوال دے جواب وچ ہانیہ خان نے کہیا کہ انسان نُوں زندگی وچ کدی غرور نہیں کرنا چاہیدا۔ ایس ویلے مہنگائی دی وجھا توں پوری قوم پریشان اے‘ سنوں ساریاں نُوں رل مل کے ایہد مقابلا کرنا پوے گا۔ کامیابی تے ناکامی زندگی دا حصا نیں میں ہمیشا حالات دا ڈَٹ کے مقابلا کیتا تے کدی گھبرائی نہیں۔