حکومت دے خاتمے لئی پُرعزم آں: فضل الرحمان……٭رویل خبر٭

اسلام آباد (نیوز ڈیسک) پی ڈی ایم دے آگو مولانا فضل الرحمان نے کہیا اے کہ چھیتی ایکے دا اگوائی اجلاس بلایا جاوے گا۔ پوری قوت دے نال بھرویں عوامی رابطا مہم شروع کیتی جاوے گی۔ آندے اجلاس وچ ماہرین توں معیشت دی بہتری لئی تجویزاں لئیاں جان گیاں۔ میڈیا نال گلبات کردیاں ہویاں اوہناں نے کہیا کہ کرونا دا رونا رویا جا رہیا اے‘ لاک ڈاؤن کیتا جا رہیا اے۔ اج تک اِک پیسے دی دوائی وی باہروں نہیں لیاندی جا سکی۔ وڈے لوک ای ایس ویکسین توں فایدا چُک سکن گے۔ کرونا دا نزلا‘ مسیتاں تے محلیاں اُتے ڈِگدا اے۔ اوہناں نے کہیا کہ ایس حکومت دا خاتما تے حکومت توں نجات لئی پُرعزم آں۔ پی ڈی ایم اپنی پوری قوت نال کھلوتی اے۔ کجھ سنگی جہڑے وکھرے ہوئے نیں اوہناں نُوں نظرثانی دی اپیل کیتی ایہدے اُتے قایم آں‘ ایہناں نُوں اپنی غلطی نُوں تسلیم کرنا چاہیدا اے۔