kraamaat@gmail.com
+ +92 333-430-6384


نواز شریف نے کراچی سنے پورے ملک نُوں امن دِتا:مریم نواز ۔۔۔٭رویل خبر٭


نمائندا رویل April 27, 2021


لاہور (نمایندا رویل) مسلم لیگ ن دی نائب صدر مریم نواز نے کہیا اے کہ جدوں وی نواز شریف دا ناں آند ا اے تے لوکائی دے ذہناں وچ ترقی‘ تعمیر تے امن دا خیال آندا اے‘ نواز شریف نے کراچی سنے پورے ملک نُوں امن دِتا‘ مسلم لیگ (ن) نے 2 سال وچ کراچی وچ گرین لائی بنائی‘ موجودا نا اہل حکومت حالے تک گرین لائن نُوں پایا تکمیل تک نہیں پہنچا سکی۔ این اے 249 کراچی دے ضمنی انتخاب وچ لیگی امیدوار مفتاح اسماعیل دی حمایت وچ جاری کیتے گئے اپنے ویڈیو پیغام وچ مریم نواز نے کہیا کہ میں کراچی آ کے این اے 249 دے لوکاں نال مل کے دل دیاں کجھ گلاں کرنا چاہندی سی پر کرونا دی وجھا توں میں میں تہاڈے ساریاں دی زندگی خطرے وچ نہیں پانا چاہندی۔ اوہناں نے کہیا کہ این اے 249 وچ سبھ توں وڈا مسئلا پانی دا اے‘ جے مفتاح اسماعیل کامیاب ہوئے تے اوہ حلقے دے ہر گھر تک پانی دی فراہمی یقینی بنان گے‘ 29 اپریل نُوں احتیاطی تدبیراں استعمال کردیاں ہویاں اپنا حق رائے دہی استعمال کرو‘ شیر دے نشان اُتے مہر لا کے مفتاح اسماعیل نُوں کامیاب کرواؤ۔