ایس او پیز دی خلاف ورزی اُتے کارروائیاں جاری،پولیس دا فوج تے رینجرز نال شام 6 وجے بعد ناکا بندیاں دا فیصلا……٭رویل خبر٭

لاہور (نمایندا رویل) ڈی آئی جی آپریشنز لاہور ساجد کیانی نے کہیا اے کہ کرونا وباء دے ودھدے دھڑکُوواں دے پیش نظر لاہور پولیس ولوں کرونا ایس او پیز اُتے عملدرآمد کروان دے اقدامات وچ سختی لیاندی جا رہی اے۔ حکومت ولوں جاری کردا کرونا ایس او پیز دیاں خلاف ورزیاں اُتے پولیس‘ پاک فوج تے رینجرز دیاں سانجھیاں کارروائیاں جاری نیں۔ ڈی آئی جی آپریشنز ساجد کیانی نے کہیا کہ شام 6 وجے دے بعد لاہور پولیس آپریشنز ونگ شہر دیاں مصروف شاہراہواں اُتے ناکا بندی کر کے بلا مقصد گھُمن والے شہریاں توں پُچھ گِچھ کرے گی۔ اوہناں نے کہیا کہ موج مستی لئی گھراں توں نکلن والیاں نُوں اوکڑاں دا ساہمنا کرنا پے سکدا اے۔