نیازی ملکی ادارے تباہ کر دِتے نیں: احسن اقبال……٭رویل خبر٭

اسلام آباد (نمایندا رویل)پاکستان مسلم لیگ (ن) دے سیکریٹری جنرل اسمبلی احسن اقبال نے کہیا اے کہ عمران خان نے ملک دے سول ادارے تباہ کر دِتے نیں‘ سول سروس افسران ہتھ اُتے ہتھ رکھ کے بَہ گئے نیں‘ ایہناں نوں عزت پیاری اے‘ حکومت نے افسراں اُتے جھوٹھے مقدمے بنا کے‘ ہراساں کر کے سول سروس دا مورال ختم کر دِتا اے۔ نارووال سپورٹس کَملیکس دی سنوائی دے بعد میڈیا نال گلبات کردیاں ہویاں احسن اقبال دا کہنا سی کہ اج فیر عدالت وچ نارووال سپورٹس سٹی کیس وچ حاضر ہویا آں‘ سپورٹس کَمپلیکس نے سارے ضابطیاں نُوں پورا کیتا اے تے منصوبے وچ کوئی کرپشن نہیں کیتی گئی‘ اسیں جیلاں‘ پیشیاں بھُگت رہے آں جد کہ حکومت وچ بیٹھے چوراں توں کوئی سوال نہیں پُچھدا۔