ملک وچ سمارٹ موبائل فون دی تیاری شروع،ودلڈ ہولڈنگ ٹیکس 12.5 فیصد گھٹا کے 10 فیصد کر رہے آں: امین الحق……٭رویل خبر٭

سکھر (نمایندا رویل) وفاق وزیرانفارمیشن ٹیکنالوجی امین الحق نے کہیا اے کہ ملک وچ سمارٹ موبائل فون دی مینو فیکچرنگ شروع کر دِتی گئی اے چھیتی 7 ہزار توں 12 ہزار تک دے سستے سمارٹ فون ساڈے نوجواناں دے ہتھاں وچ ہون گے‘ بجٹ وچ ود۔ ہولڈنگ ٹیکس 12.5 فیصد توں گھٹا کے 10 فیصد کیتا کیتا جا رہیا اے تے اگلے سال ایہنوں ہور گھٹ کیتا جاوے گا۔ ایہناں خیالاں دا اظہار اوہناں نے مقامی ہوٹل وچ پریس کانفرنس نال خطاب کردیاں ہویاں کیتا۔ اوہناں دا ہور کہنا سی کہ 60 تے 70 دے داہکے وچ وی اسیں غلطی کیتی سی کہ گڈیاں نہیں بنائیاں تے جے اسیں گڈیاں بنا رہے ہوندے تے اج اسیں بی ایم ڈبلوی تک بنا چکے ہوندے پر اج اسیں صرف آلٹو بنان دے قابل ہوئے آں۔