نیلم رمضان وچ کسے وی پروجیکٹ وچ کم کرنا پسند نہیں کردے،نیلم منیر بہت مذہبی اداکارا نیں۔ حنا الطاف ……٭رویل خبر٭

لاہور (نیوز ڈیسک) پاکستانی اداکارا تے مجمان حنا الطاف نے انکشاف کیتا اے کہ اداکارا نیلم منیر بہت مذہبی اداکارا نیں تے اوہ رمضان دے دوران کسے وی پروجیکٹ وچ کم کرنا پسند نہیں کردے۔ حال ای وچ پاکستان دی خوبصورت جوڑی حنا الطاف تے آغا علی نے اِک ٹاک شو وچ پروہنے وجوں رلت کیتی۔ شو دے مجمان معروف اداکار احسن خان ولوں ایس جوڑی توں دلچسپ سوالات کیتے گئے جہدے دوہاں ای فنکاراں نے خشگوار موڈ وچ جوابات دِتے۔ شو دے دوران اداکارا نیلم منیر دا ذکر ہویا جہدے اُتے حنا الطاف دا شائقین نُوں مخاطب کردیاں ہویاں کہنا سی کہ ’اوہ ایتھے نیلم منیر بارے اِک گل دَسنا چاہندے نیں جو کہ آغا علی تے احسن خان سنے کسے نُوں نہیں پتا۔‘ حنا الطاف دا کہنا سی کہ ’نیلم منیر بہت مذہبی کُڑی اے‘ اوہ رمضان دے دوران کسے پروجیکٹ وچ کم کرنا پسند نہیں کردے کیوں جے رمضان دے دوران نماز روزے وچ مصروف ہوندے نیں۔‘