ملتان سلطانز دی نمایندگی نہ کرن دا دُکھ اے: آفریدی……٭رویل خبر٭

لاہور (نیوز ڈیسک) ابو ظہبی وچ پاکستان سُپر لیگ دے باقی میچز لئی ملتان سلطانز‘ مایا ناز آل راؤنڈر شاہد آفریدی دی انجری دے کارن خدمتاں توں محروم ہو گئی اے‘ شائقین کرکٹ نُوں ایس خبر نے جنا دُکھی کیتا اوتھے پچھلے کپتان آپ وی دُکھی نیں۔ شاہد آفریدی نے ٹويٹر اُتے اپنی انجری دے حوالے توں جاری بیان وچ کہیا کہ پی ایس ایل دے باقی میچاں لئی ٹریننگ دے دوران مینوں لَک وچ ڈاڈھی تکلیف محسوس ہوئی۔ اوہناں نے دَسیا کہ ڈاکٹر نُوں ایس تکلیف دے حوالے توں دَسیا تے اوہناں نے چیک اپ دے بعد مینوں آرام دا مشورا دِتا اے۔ باقی میچاں وچ ہُن میں ملتان سلطانز دی نمایندگی نہیں کر سکاں گا جہدا بہت زیادا دُکھ اے۔پچھلے کپتان نے لکھیا کہ میں میچز لئی پریکٹس تے محنت کر رہیا سی پر ایس انجری نے میرے دل نُوں توڑ دِتا اے۔