فلم ”رادھے“ شیئر کرن والے اکاؤنٹ بند کرن دا حکم……٭رویل خبر٭

ممبئی (نیٹ نیوز) دِلی ہائیکورٹ نے واٹس ایپ انتظامیا نُوں حکم جاری کیتا اے کہ اوہ سلمان خان دی عید اُتے ریلیز ہون والی فلم ”رادھے“ نُوں واٹس ایپ اُتے شیئر کرن والے صارفین دے اکاؤنٹ بند کرے۔ بھارتی میڈیا دے مطابق دِلی ہائیکورٹ وچ رادھے دے نشریاتی حقوق لین والے ٹی وی چینل نے واٹس ایپ اُتے سلمان خان دی فلم ”رادھے“ دی غیر قانونی شیئرنگ نُوں روکن دی درخاست کیتی سی۔ درخاست وچ فلم دے ونڈ کار نے موقف اختیار کیتا سی کہ فلم رادھے پائریسی دا شکار ہو گئی اے تے ایہنوں وڈے پیمانے اُتے سوشل میڈیا پلیٹ فارمز اُتے شیئر کیتا جا رہیا اے۔ ایس درخاست دی روشنی وچ ہائیکورٹ نے فلم دی غیر قانونی کاپی ویچن تے شیئر کرن والے استعمال کنندگان دے واٹس ایپ اکاؤنٹس بند کرن دا حکم جاری کر دِتا اے۔