شاہ رخ خان دی پہلی کمائی100 رُپئے توں وی گھٹ سی ……٭رویل خبر٭

ممبئی (نیوز ڈیسک) سپر سٹار شاہ رخ خان جہناں دیاں فلماں اج دے دور وچ کروڑاں کماندیاں نیں پر کنگ خان دی پہلی کمائی جان کے مداح حیران رہ جان گے۔ بھارتی فلم انڈسٹری وچ 100 کروڑ یاں ایس توں ودھ دا بزنس کرن دی روایت پان والے وی کوئی ہور نہیں سگوں بالی ووڈ دے خانز نیں جہناں وچ سلمان خان‘ شاہ رخ خان تے عامر خان شامل نیں۔ ایتھے انتہائی ذکر جوگ گل ایہ ا کہ اج دے دور وچ 100 کروڑ یاں ایس توں ودھ دا بزنس کرن والی فلم دے ہیرو شاہ رخ خان دی پہلی کمائی کنی سی‘ شاہ رخ نے 1992 وچ فلم ”دیوانا“ توں کیریئر دی شروعات کیتی سی پر اوہناں دی پہلی کمائی 50 رُپئے سی جہڑی اوہناں نے پنکج داس دے کنسرٹ وچ اشر (لوکاں نُوں سیٹ اُتے بٹھان دا کم) کر کے کمائی سی جہدے بعد شاہ رخ خان ایہناں پیسیاں نال آگرا گئے سن جتھے اوہناں نے پہلی وار تاج محل دی سیر کیتی سی۔