kraamaat@gmail.com
+ +92 333-430-6384


امریکا دا کرونا ٹِیکا لان والے ملکاں وچ پہلا نمبر ،29 کروڑ نُوں کرونا ٹِیکا لایا جا چُکیا اے……٭رویل خبر٭


نمائندا رویل May 27, 2021


واشنگٹن (نیوز ڈیسک) کرونا نال سبھ توں ودھ متاثر ہون والے ملک امریکا وچ ایس ویلے سبھ تو ودھ کرونا توں تحفظ دی ویکسین لا دِتی گئی۔ امریکا وچ 26 مئی 2021 تک ساہمنے آن والے مجموعی کرونا کیساں دی گنتی 3 کروڑ 31 لکھ توں ودھ سی تے اوتھے ہلاکتاں دی گنتی 5 لکھ 90 ہزار توں ودھ ہو چکی سی۔ اِک پاسے جتھے امریکا وچ کرونا کیسز وچ نمایاں کمی ویکھی جا رہی اے اوتھے تقریبن ادھی ابادی نُوں ویکسین دا اِک ٹیکا جد کہ 35 فیصد ابادی نُوں دو ٹیکے لائے جا چکے نیں۔ صحت دے معاملات ویکھن والے امریکی محکما صحت دے ادارے سینٹر فار ڈیزیز کنٹرول این پرونشن مطابق امریکا چ مجموعی طور اُتے 29 کروڑ دے نیڑے ویکسین دے ٹیکے لائے جا چکے نیں۔