(ن) لیگ دا الیکشن کمیشن دے معاملات تے آن والی ترمیم دا ساتھ نہ دین دا اعلان

اسلام آباد( رویل نیوز)اپوزیشن دی وڈی جماعت مسلم لیگ (ن) نے الیکشن کمیشن دے معاملات تے آن والی آئینی ترمیم دا حصا نہ بنن دا اعلان کر دتا۔ سابق وفاقی وزیر و مسلم لیگ (ن) دے سینئر رہنما خواجا محمد آصف نے ایہ اعلان قومی اسمبلی وچ چالو سیاسی صورتحال اُتے خطاب دوران کیتا۔ اوہناں نے آکھیا کہ چالو صورتحال وچ حکومت نال رابطے نہیں رکھے جا سکدے، جو کنڈے سُٹ رہے نیں اوہی چُگن۔لندن وچ احتجاج اُتے گل بات کردے ہوئے سابق وفاقی وزیر نے آکھیا کہ جے (ن) لیگ دے قاید نواز شریف دے گھر اُتے حملا ہو سکدا تے سبھ دے گھراں اُتے ہو سکدا اے۔ اوہناں دا آکھنا سی کہ ہور سانوں دشمنی نبھانی آؤندی اے ،حملے دی منصوبا بندی کرن والیاں دا پتا اے، آخری حد تیکر اوہناں دا پچھا کراں گے۔