ون ڈے رینکنگ: بابراعظم دی پہلی‘ کوہلی دی دوجی پوزیشن،فخر زمان دا ستواں نمبر‘ محمد عامر ٹاپ 10 توں آؤٹ ہو گئے: ……٭رویل خبر٭

لاہور (نیوز ڈیسک) آئی سی سی دی جاری کردا نویں ون ڈے رینکنگ وچ بابراعظم دا بدستور پہلا نمبر برقرار اے‘ ویرات کوہلی وی دوجے نمبر اُتے موجود نیں‘ فخر زمان دا ستواں نمبر بچ گیا۔ آئی سی سی دی تازا ون ڈے پلیئر رینکنگ مطابق محمد عامر ٹاپ 10 توں آؤٹ ہو کے 11 ویں نمبر اُتے چلے گئے نیں۔ شاہین آفریدی وی تنزلی دے بعد 12 ویں نمبر دے بولر بن گئے نیں۔ نیوزی لینڈ دے ٹرینٹ بولٹ پہلے نمبر اُتے براجمان نیں‘ بنگلا دیش دے مہدی حسن تے مستفیض الرحمان نُوں ترقی دِتی گئی اے‘ مہدی حسن دوجے جد کہ مستفیض الرحمان نوویں نمبر دے بولر بن گئے نیں۔ وسیلیاں دا کہنا اے کہ بابراعظم نُوں پہلی پوزیشن برقرار رکھن لئی لگا تار چنگی کمکار ی وکھانی پوے گی۔