اپنی محبت نُوں چھڈنا مشکل ترین کم اے: کرسٹن بیٹزمین ……٭رویل خبر٭

لاہور (نیوز ڈیسک) نو مسلم جرمن وی لاگر کرسٹن بیٹزمین دا پچھلی منگیتر زویا ناصر نال منگنی ٹُٹن دے بعد کہنا اے کہ اپنی محبت نُوں چھڈنا دنیا دا مشکل ترین کم اے۔ کرسٹن نے سوشل میڈیا سائٹ انسٹا گرام اُتے شیئر کیتی گئی اپنی اِک سٹوری وچ لکھیا کہ ’کسے ایہو جہے نُوں چھڈنا جہنوں تُسیں بے حد محبت کردے او‘ دنیا دا مشکل ترین کم اے۔‘ اوہناں نے کہیا کہ ’ایہ تہاڈی فیملی وِچ موجود کوئی بندا‘ تہاڈا بہترین دوست یاں تہاڈا پارٹنر وی ہو سکدا اے۔‘ جرمن وی لاگر نے لکھیا کہ تُسیں اپنی ایس بہترین محبت نُوں پان لئی اپنا بہترین ای دے سکدے او پر اوس ویلے کیہ کر سکدے او کہ جدوں مستقبل ای تہاڈا ساتھ نہ دیوے تے سمجھوتیاں دا وی کوئی فایدا نہیں۔کرسٹن نے ایہ وی لکھیا کہ ’اپنے خاباں دے پچھے نَسنا کدی نہ چھڈو‘اپنے اُتے یقین رکھو تے کدی وی گھٹ اُتے سمجھوتا نہ کرو۔‘