صارفین خُدکشی کروا کے ای باز آن گے: نور بخاری……٭رویل خبر٭

لاہور (نیوز ڈیسک) پاکستان فلم انڈسٹری نُوں خیر باد کَہ کے اپنی زندگی اسلامی تعلیمات دے مطابق لنگھان والی پچھلی اداکارا نور بخاری نے کہیا ا ے کہ سوشل میڈیا صارفین اپنی تنقید نال کسے دی خُد کشی کروا کے ای باز آن گے۔ سوشل میڈیا سائٹ انسٹا گرام اُتے بُہتی متحرک رہن والی نور بخاری نُوں جتھے اوہناں دے مداح پسند کردے نیں تے اوتھے کجھ سوشل میڈیا صارفین ایہو جہے وی نیں جہڑے اوہناں نُوں خوب تنقید دا نشانا بناندے نیں۔ ناقدین نور بخاری دیاں پوسٹاں اُتے تنقید بھرے تبصرے کردے نیں تے کئی ویلے اوہناں نُوں نفرت انگیز میسجز وی کردے نیں۔ نور بخاری نے ناقدین توں تنگ آندیاں ہویاں اپنے اِک پیغام وچ کہیا کہ ’الہ تعالیٰ‘ تہانوں ساریاں نُوں معاف کرے‘ تُسیں دوجیاں اُتے بہتان لا کے مفت وچ گناہ اپنے ناں کر رہے او۔‘