کاش سانوں عقل آ جاوے تے اسیں دُنیا بچا لئیے، لاپرواہی ویکھ کے دُکھی آں: ثمینہ پیرزادا……٭رویل خبر٭

لاہور (نیوز ڈیسک) پاکستان شوبز انڈسٹری دی سینئر اداکارا تے مجمان ثمینہ پیرزادا نے دُنیا دی موجودا صورتحال اُتے لوکاں دی لاپرواہی نُوں ویکھدیاں ہویاں کہیا اے کہ کاش! ساڈے وچ عقل آ جاوے تے اسیں دُنیا نُوں بچا لئیے۔ سماجی رابطے دی ویب سائٹ ٹوئٹر اُتے جاری کیتے گئے پیغام وچ ثمینہ پیرزادا نے کہیا کہ ’کرونا وائرس نے سانوں ونڈ دبتا اے پر فیر وی اسیں کرونا وائرس توں کجھ نہیں سِکھیا۔‘ ثمینہ پیرزادا نے کہیا کہ ’سانوں دنیا وچ امن لیان لئی جھیڑیاں نُوں حل کرن تے ایس خوبصورت زمین نُوں ساریاں لئی رہن دا اِک بہتر مقام بنان دی ضرورت اے۔ اوہناں نے فلسطینی لوکائی نُوں یاد کردیاں وہیاں کہیا کہ ’جنگ بند کرو تے ایس سیارے نوں بچان لئی امن والے لوک ساہمنے آن۔‘