دیس وچ کرونا وباء دے کارن ہور 65 بندے واصل،دو ہزار نویں کیس……٭رویل خبر٭

اسلام آباد (نیوز ڈیسک) پورے ملک وچ کرونا وباء دے کارن ہور 65 بندے واصل ہو گئے جد کہ فعال کیسز دی گنتی چ کمی واقع ہوئی اے ایہدے علاوا ملک وچ کرونا دے 2 ہزار توں ودھ مثبت کیسز رپورٹ ہوئے نیں۔ نیشنل کمانڈ ایند اپریسن سینٹر ولوں جاری کردا آنکڑیاں دے مطابق پچھلے 24 گھنٹیاں دے دوران 59 ہزار 76 کرونا ٹیسٹ کیتے گئے جہدے بعد مجموعی ٹیسٹاں دی گنتی 12,943,62 ہو گئی اے۔ پچھلے 24 گھنٹیاں دے دوران پورے ملک وچ ہور 2 ہزار 724 مثبت کیسز رپورٹ ہوئے نیں۔ ایس طرحاں پاکستان وچ کرونا دے مصدقا روگیاں دی گنتی 908,576 ہو گئی اے۔ سرکاری آنکڑیاں دے مطابق ایس ویلے پورے ملک وچ کرونا دے فعال روگیاں دی گنتی 60 ہزار 268 اے جد کہ 4 ہزار توں ودھ روگیاں دی حالت ماڑی اے۔ پچھلے 24 گھنٹیاں دے دوران پورے ملک وچ کرونا نال ہور 65 بندے واصل ہو گئے نیں جہدے بعد ہُن ایس وباء نال واصل ہون والے بندیاں دی گنتی مجموعی طور اُتے 20 ہزار 465 ہو گئی اے۔ این سی او سی دے مطابق کرونا توں 1 دن وچ 4 ہزار 686 روگی صحت یاب ہوئے جہدے بعد صحت یاب ہون والے روگیاں دی گنتی 827,843 ہو گئی اے۔