سرکاری ملازماں دیاں تنخاہواں وچ 10 فیصد وادھے اُتے غور……٭رویل خبر٭

اسلام آباد (نیوز ڈیسک) وفاقی حکومت ولوں نویں مالی سال دا بجٹ 2021-22 اگلے مہینے 11 جون نُوں پیش کیتے جان دا امکان اے۔ حکومت نے بجٹ وچ سرکاری ملازماں دیاں تنخاہواں وچ 10 فیصد وادھے اُتے غور شروع کر دِتا اے‘ ایس سلسلے وچ صوبیاں نال مشاورت کیتی جا رہی اے۔ وفاقی حکومت نے سرکاری ملازماں دیاں تنخاہواں وچ 10 فیصد وادھے لئی صوبائی حکومتاں نال رابطا کیتا اے۔ وسیلیاں مطابق پنجاب سرکار نے تنخاہواں وچ 10 فیصد وادھے دی مشروط حمایت کیتی اے۔ پنجاب سرکار دا کہنا اے کہ جے وفاقی حکومت پنجاب نُوں وادھو فنڈ ز دیوے تے اوہ تنخاہواں وچ 10 فیصد وادھا کر سکے گی۔ پنجاب سرکار نے ایہ موقف پیش کیتا اے کہ اوہ پہلے ای سیکریٹریٹ ملازماں نُوں ایگزیکٹو الاؤنس دے رہی اے جد کہ ہو رملازماں نُوں 25 فیصد الاؤنس پہلی جون توں ادا کرنا اے۔