اسیں ملک نُوں مشکل ویلے توں کڈھیا اے تے جدوں ایس مشکل ویلے توں معیشت نُوں کڈھ رہے ساں تے کرونا آ گیا:وزیراعظم عمران خان……٭رویل خبر٭

نوشہرا (نمایندا رویل) وزیراعظم عمران خان نے کہیا اے کہ پاکستان دا مستقبل صنعت وچ اے جہدے بغیر ملک ترقی نہیں کر سکدا۔ اسیں د ھاندلی نال جِتن والے نہیں‘ نیوٹرل امپائر نال جتن والے آں‘ چین دی اقتصادی ترقی توں پاکستان بہت کجھ سکھ سکدا اے‘ دوست ممالک فنڈز نہ دیندے تے ملک دیوالیا ہو جانادا‘ مخالفین وی حیران نیں کہ 4 فیصد گروتھ کویں ہو گئی۔ رشکئی صنعتی زون دی افتتاحی تقریب نال خطاب کردیاں ہویاں وزیراعظم نے کہیا کہ صنعتاں نال ملکی دولت وچ ہوندا اے‘ برآمدات لئی صنعتاں لانا ترجیح اے دنیا وچ تیزی نال ترقی کرن والا ملک چین اے‘ اقتصادی زون دی زمین ویچاں گے نہیں سگوں لیز اُتے دواں گے‘ ماضی وچ برآمدات اُتے توجا نہیں دِتی گئی‘ برآمدات ودھن گیاں تے ملکی دولت وچ وادھا ہووے گا تے ملک ترقی کرے گا‘ سرمایا کاراں لئی جنیاں اسانیاں ہون گیاں اونی ترقی ہووے گی تے اونی سرمایا کاری بُہتی آئے گی‘ ملک اوکھے ویلے توں نکل آیا اے چنگا ویلا آن والا اے‘ ملک وچ ہُن بُہتے ڈالر آ رہے نیں‘ باہر گھٹ جا رہے نیں‘ حکومت دے پہلے ڈیڈھ سال سبھ توں مشکل سن‘ دوست ملک فنڈز نہ دیندے تے ملک دیوالیا ہو جاندا‘ مخالفین وی حیران نیں کہ 4 فیصد گروتھ کویں ہو گئی۔ اوہانں نے کہیا کہ اسیں ملک نُوں مشکل ویلے توں کڈھیا اے تے جدوں ایس مشکل ویلے توں معیشت نُوں کڈھ رہے ساں تے کرونا آ گیا‘ میرے اُتے لاک ڈاؤن لئی دباء پایا گیا‘ جے مکمل لاک ڈاؤن لا دیندا تے اج ملک دا بھارت ورگا حال ہوندا پر اسیں س مارٹ لاک ڈاؤن راہیں اپنے لوکاں نُوں بچایا۔ وزیراعظم نے کہیا کہ پاکستان دا مستقبل صنعت وچ اے‘ ملک دیت رقی صنعت دے بغیر نہیں ہو سکدی‘ رشکئی اکنامک زون سی پیک دے اندر اے جو خُش آیند گل اے تے ایہ خُش آیند ایس لئی اے کیوں جے اج چین‘ پوری دنیا وچ سبھ توں تیزی نال ترقی کرن والا ملکاے‘ ایہدی ترقی توں اسیں سبھ توں ودھ سِکھ سکدے آں‘ مغربی ملکاں دیاں صنعتاں پرانیاں نیں ایس لئی پاکستان اوہناں توں بُہتا نہیں سِکھ سکدا‘ چین دی برآمدات وچ وادھا صنعتاں لان نال ہویا‘ پاکستان وچ برآمدات وچ وادھے لئی صنعتاں لان دی ضرورت اے تے جدوں تک برآمدات وچ وادھا نہیں ہوندا ملک ترقی نہیں کرے گا۔ وزیراعظم نے کہیا کہ سپیشل اکنامک زون وچ سرمایا کاراں نُوں سہولت دواں گے‘ سرمایا کاراں لئی جنیاں اسانیاں ہون گیاں اونی بُہتی سرمایا کاری ہووے گی۔ اوہناں نے کہیا کہ اسیں ملک نُوں مشکل ویلے توں کڈھیا اے تے جدوں ایس مشکل ویلے توں معیشت نُوں کڈھ رہے ساں تے کرونا آ گیا۔ اوہناں دا کہنا سی کہ ’ملک ترقی دے راہ اُتے چل پیا اے تے چنگا ویلا آن والا اے‘ صنعت وی چل پئی اے‘ بیرون ملک پاکستانیاں نے یکارڈ ترسیلات زر گھلیاں نیں‘ ہُن ملک وچ ڈالر بُہتا آر ہے نیں تے باہر گھٹ جا رہے نیں۔