kraamaat@gmail.com
+ +92 333-430-6384


اکشے کمار دا فلم وچ پاکستان خلاف زہر اُگلن توں انکار،پاکستان خلاف مکالمےختم نہ کیتے تے فلم چھڈ دواں گا: اکشے کمار……٭رویل خبر٭


نمائندا رویل May 29, 2021


ممبئی (نیوز ڈیسک) بالی ووڈ اداکار اکشے کمار نے پاکستان دے خلاف فلم وچ نامناسب زبان استعمال کرن توں صاف انکار کر دِتا۔ بالی ووڈ وچ آئے دن پاکستان تے بھارت دے تعلقات اُتے کئی فلماں بندیاں رہندیاں نیں جہناں وچ زیادا تر پاکستان تے مسلمان مخالف جذبات وکھائے جاندے نیں پر کدی کدی ایہو جہیاں وی فلماں سکرینز اُتے آندیاں نیں جہناں وچ پیسیاں دے لالچ وچ کجھ بھارتی ہدایتکار تے اداکار پاکستان دشمنی وچ ساریاں حداں پار کر جاندے نیں پر شاید بہت گھٹ لوک جاندے نیں کہ بالی ووڈ اداکار اکشے کمار نے فلم وچ پاکستان دے خلاف زہر اُگلن توں صاف انکار کر دِتا سی۔ بھارتی میڈیا دے مطابق اُنج تے اداکار اکشے کمار حب الوطنی اُتے مبنی فلم بنان لئی انتہائی سنجیدا نیں تے ایس حوالے توں اکشے کمار کئی فلماں وی کر چکے نیں پر فلم ”اب تمہارے حوالے وطن ساتھیوں‘ وچ پاکستان خلاف نہ صرف نامناسب زبان استعمال کرن توں انکار کیتا سگوں دھمکی دیندیاں ہویاں کہیا کہ جے سکرپٹ توں پاکستان خلاف لائنز ختم نہ کیتیاں گئیاں تے میں فلم چھڈ دوا ں گا۔