چودھری نثار نے حلف چُک لیا اے اوہ جانن تے اوہناں دا کم، ایٹمی دھماکیاں دا سہرا مینوں جاندا اے: شیخ رشد احمد……٭رویل خبر٭

راولپنڈی (نمایندا رویل) وفاقی وزیر داخلا شیخ رشید احمد نے کہیا اے کہ ایٹمی دھماکیاں دا سہرا راجا ظفر الحق‘ گوہر ایوب تے مینوں جاندا اے‘ چودھری نثار نے حلف چُک لیا اے اوہ جانن تے اوہناں دا کم جانے‘ پی ڈی ایم جو وی کرے وزیراعظم 5 سال مکمل کرن گے۔ راولپنڈی وچ نالا لئی دے دورے اُتے میڈیا نال گلبات وچ اوہناں نے کہیا کہ 28 مئی ساڈا تواریخی دن اے‘ ایس دن اسلامی ملکاں وچوں ساڈا پہلا ملک اے جہنے ایٹمی دھماکے کیتے۔ شیخ رشید نے کہیا کہ نالا لئی دے حوالے توں 3 کروڑ دین دا اعلان کیتا گیا اے‘ ایہدے علاواوزیر اعلا پنجاب نے راولپنڈی وچ 3 یونیورسٹیاں دا وی اعلان کیتا اے‘ ساڈے مرن دے بعد 3 یونیوسٹیاں‘ 60 کالج تے نالا لئی ہمیشا یاد رکھیا جاوے گا۔