برائیلر گوشت ریکارڈ سستا،گوشت دی قیمت وچ 67 رُپئے کمی‘ دو دن وچ 97 رُپئے سستا ہو گیا……٭رویل خبر٭

لاہور (انیوز ڈیسک ) مسابقتی کمیشن ولوں تحقیقات شروع ہون دے بعد برائیلر گوشت دی قیمت وچ ریکارڈ کمی دا رجحان ویکھیا جا رہیا اے‘ برائیلر گوشت دی قیمت ہور 67 رُپئے کمی نال 335 رُپئے فی کلو دی سطح اُتے آ گئی جد کہ 2 دن وچ مجموعی طور اُتے قیمت وچ 97 رُپئے فی کلو کمی ریکارڈ کیتی گئی۔ زندا برائیلر مرغی دی قیمت 46 رُپئے کمی نال 231 رُپئے فی کلو دی سطح اُتے آ گئی۔ فارمی آنڈیاں دی قیمت ہور 1 رُپئے وادھے نال 148 رُپئے فی درجن رہی۔ مارکیٹ وسیلیاں مطابق مسابقتی کمیشن ولوں فیڈ دیاں قیمتاں وچ ہون والے وادھے تے طلب تے رسد وچ بُہتا فرق نہ ہون دے باوجود برائیلر گوشت دیاں قیمتاں وچ غیرمعمولی وادھے اُتے شروع کیتی جان والی تحقیقات دی وجھا توں قیمتاں وچ اچانک ایس سطح اُتے کمی ویکھی گئی اے۔