بابراعظم اگلے سال کزن نال ویاہ کر لین گے……٭رویل خبر٭

لاہور (نیوز ڈیسک) قومی کرکٹ ٹیم دے کپتان بابراعظم اگلے ورھے اپنی کزن نال ویاہ کر لین گے۔ وسیلیاں دا کہنا اے کہ قومی کرکٹر دا اپنے چاچے ول رشتا طے ہو گیا اے تے دوہاں فیملیاں وچ ایہ گل طے ہوئی اے کہ اگلے ورھے ویاہ کر دِتا جاوے گا۔ وسیلیاں دے مطابق بابراعظم اپنے چاچے دی دھی نال ویاہ کرن اُتے راضی ہو گئے نیں۔ پچھلے دن ای پچھلے کپتان اظہر علی نے بابراعطم نُوں ویاہ کرن دا مشورا دِتا سی۔ اظہر علی نے اپنے ٹویٹ وچ بابراعظم نُوں ٹیگ کردیاں ہویاں مشورا دِتا سی کہ اوہ ہُن ویاہ کر لین۔ یادرہوے کہ قومی کرکٹ ٹیم کپتان بابراعظم دا شمار دنیا دے بہترین کھڈاریاں وچ ہوندا اے تے اوہ ون ڈے رینکنگ وچ کوہلی توں وی اگے پہلی پوزیشن اُتے براجمان نیں۔