امیتابھ بعد اجے دیو گن نے وی ممبئی وچ مہنگا ترین بنگلا خرید لیا……٭رویل خبر٭

ممبئی (نیو ز ڈیسک) بھارتی اداکار اجے دیو گن نے کرونا وباء دے باوجود ممبئی دے مہنگے ترین علاقے وچ بنگلا خرید لیا۔ بھارتی میڈیا رپورٹاں مطابق اجے دیو گن لیجنڈری اداکار امیتابھ بچن دے بعد دوجے بالی ووڈ اداکار نیں جہناں نے حال ای وچ مہنگیاں جائیداداں خریدیاں نیں۔ خیال رہوے کہ کجھ دن پہلاں ایہ خبر ساہمنے آئی سی کہ امیتابھ بچن نے ممبئی وچ اِک اپارٹمنٹ خریدیا اے جہدی مالیت 31 کروڑ رُپئے اے پر ایس حوالے توں اجے نے بگ بی نُوں وی پِچھے چھڈ دِتا۔ رپورٹا مطابق اجے دیو گن نے ممبئی دے مہنگے ترین علاقے جوہو وچ اِک بنگلا خریدیا اے جہدی مالیت 60 کروڑ بھارتی رُپئے ا ے جد کہ ایہ بنگلا 590 سکوائر یارڈز اُتے کھِلریا ہویا اے۔