سنجے دت اپنی ماں ا دی سالگرھا اُتے جذباتی ہو گئے ……٭رویل خبر٭

لاہور (نیوز ڈیسک) بالی ووڈ اداکار سنجے دت اپنی مرحوما ماں نرگس دَت نُوں اوہناں دی 92 ویں سالگرھا دے موقع اُتے یاد کردیاں ہویاں جذباتی ہو گئے تے ماں لئی سوشل میڈیا اُتے خصوصی پیغام شیئر کیتا اے۔ اداکار سنجے دت نے انسٹا گرام اُتے اپنی مرحوما والدا دیاں کجھ یادگار تصویراں شیئر کیتیاں نیں۔ سنجے دت نے ماں دیاں یادگار تصویراں شیئر کردیاں ہویاں لکھیا کہ ’تہاڈے ورگا دوجا کوئی نہیں ہے۔ سالگرھا مبارک ہو ماں‘۔ اداکار سنجے دت دی پوسٹ اُتے سبھ توں پہلاں کمنٹس ای اوہناں دی دھی ترشالا دت نے کیتا جہدے وچ اپنی محبت دا اظہار کیتا۔ اداکار دی ایس پوسٹ نُوں سوشل میڈیا اُتے مداح بہت پسند کر رہے نیں‘ صرف 4 گھنٹیاں وچ ایس پوسٹ نُوں 2 لکھ 96 ہزار توں ودھ لوک لائیک کر چکے نیں۔