kraamaat@gmail.com
+ +92 333-430-6384


اداکارا عمران عباس سکون دی کھوج وچ نِکل پئے……٭رویل خبر٭


نمائندا رویل June 03, 2021


لاہور (نیوز ڈیسک) پاکستان دے نامور اداکار عمران عباس شہری زندگی توں دور سکون دی کھوج وچ نکل پئے۔ بالی ووڈ وچ اداکاری دے جوہر وکھان والے اداکار عمران عباس پہلی وار ڈراما سیریل ”تمہارے حسن کے نام“ وچ صباء قمردے نال جلوا گر ہون گے جہدی شوٹنگ چالو سال مکمل کر لئی جاوے گی جد کہ اوہ حالیا دناں وچ مقبولیت دے سارے ریکارڈ تڑن والے پاکستانی ڈراما سیریل ”خدا اور محبت“ دے ابتدائی 2 سیزن وچ وی کم کر چکے نیں۔ اداکار عمران عباس ایہناں دناں گلگت بلتستان دیاں وادیاں دی سیر کر رہے نیں تے ایس حوالے توں اوہناں نے فوٹو شیئرنگ ایپ انسٹا گرام اُتے کجھ خوبصورت مناظر دیاں تصویراں وی شیئرکیتیاں نیں۔ اِک پوسٹ وچ اداکار نے قدرتی منظراں دے نال اپنی تصویر شیئر کردیاں ہویاں لکھیا ”شہری زندگی دی ہلچل توں دور اصل سکون دی کھوج وچ قدرت دے نیڑے پہنچ گیا آں“۔