مینوں پی ایس ایل ہوندا ہویا نظر نہیں آ رہیا: شعیب اختر ……٭رویل خبر٭

لاہور (نیوز ڈیسک) عالمی وباء کرونا وائرس وجھوں ملتوی ہون والی پاکستان سپر لیگ دے بارے وچ قومی کرکٹ ٹیم دے پچھلے فاسٹ بولر شعیب اختر نے دھڑکُو ظاہر کیتا اے کہ مینوں پاکستان سُپر لیگ سیزن 6 دے باقی میچز ابوظہبی وچ ہوندے ہوئے نظر نہیں آ رہے نیں۔ اِک انٹرویو وچ اوہناں نے کہیا کہ لیگ کروان لئی پاکستان کرکٹ بورڈ (پی سی بی) دا ہوم ورک مکمل نہیں سی۔ شعیب اختر نے کہیا کہ ابوظہبی نے اجازت توں پہلاں ای پی سی بی نُوں اگاہ کر دِتا سی‘ ایہدے باوجود پی سی بی نے بھارتی پروڈکشن کریو دے علاوا کوئی دوجا انتظام نہیں کیتا۔ یاد رہوے کہ دبئی توں بھارتی پروڈکشن کریو نُوں باہر کڈھ دِتا گیا جد کہ پاکستان سپر لیگ دے ملتوی ہون دیاں وی خبراں نیں۔