امریکا دا دنیا وچ کرونا ویکسین ونڈن دا اعلان،کرونا ویکسین دیاں 8 کروڑ خوراکاں ونڈیا ں جان گیاں ……٭رویل خبر٭

واشنگٹن (نیوزڈیسک) امریکا نے پوری دنیا وچ کرونا ویکسین ونڈن دا اعلان کر دِتا اے۔ اقوام متحدا دے ویکس پروگرام دے تحت کرونا ویکسین دیاں 8 کروڑ خوراکاں ونڈیاں جان گیاں۔ امریکی صدر جوبائیڈن دا کہنا اے کہ امریکا وچ استعمال نہ ہون والی 75 فیصد ویکسین عطیا کیتی جاوے گی۔ کرونا ویکسین دی ونڈ دا ہدف جون وچ مکمل کر لیا جاوے گا۔ اوہناں دا کہنا سی کہ استعمال نہ ہون والی 25 فیصد ویکسین اتحادی ملکاں نُوں دِتی جاوے گی۔ 60 لکھ لاطینی امریکا‘ 70 لکھ جنوب مغربی ایشیا تے 50 لکھ خوراکاں افریقی ملکاں نُوں دِتیاں جان گیاں۔ امریکا دیاں 25 ریاستاں وچ 50 فیصد توں ودھ تے 9 ریاستاں وچ 70 فیصد توں ودھ ابادی نُوں ویکسین دے دوویں ٹیکے لگ چکے نیں تے ہُن 12 توں 17 ورھیاں دے بچیاں دی ویکسینیشن وی شروع ہو گئی اے۔