پنجاب: نواں تعلیمی ورھا پہلی اگست 2021 توں شروع ہووے گا،گرمی پاروں دو ہفتیاں بعد سکول 1 مہینے لئی بند کیتے جا سکدے نیں: مراد راس……٭رویل خبر٭

لاہور (نیوز ڈیسک) صوبائی وزیر تعلیم پنجاب ڈاکٹر مراد راس نے پورے صوبے وچ نواں تعلیمی سال پہلی اگست 2021 توں شروع ہون دا اعلان کردیاں ہویاں عندیا دِتا اے کہ پنجاب وچ ڈاڈھی گرمی دے پیش نظر آندے دو ہفتیاں دے بعد سکول اِک مہینے لئی بند کیتے جا سکدے نیں۔ پچھلے دن میڈیا نال گلبات کردیاں ہویاں ڈاکٹر مراد راس نے کہیا کہ گرمی وچ ڈاڈھ کارن سکولاں وچ بالاں لئی تعلیم حاصل کرنا مشکل ہو گیا اے جد کہ سکولاں وچ امتحانات دا جہڑا شیڈول دِتا گیا اے اوہدے مطابق 18 جون توں 30 جون تک امتحانات ہر صورت منعقد ہون گے۔ جہدے بعد پہلی جولائی توں پورے صوبے دے سرکاری تے نجی سکولاں وچ گرمیاں دیاں چھٹیاں دے دِتیاں جان گیاں۔