ہُن خشحالی دا بجٹ اے،ن ایف بی آر دا رول محدود کر دِتا‘ تاجر اں نُوں تنگ نہیں کر سکے گی:وزیراعظم عمران خان……٭رویل خبر٭

اسلام آباد (نیوز ڈیسک) وزیراعظم عمران خان نے کہیا اے کہ پہلے 2 سال مشکل بجٹ دِتا‘ ہُن خشحالی دا بجٹ اے‘ بجٹ بارے آئی ایم ایف نُوں اپنیاں شرطاں اُتے قائل کر لیا‘ کہندا سی نہ گھبراؤ‘ پر سارے گھبرا گئے۔ تفصیلات دے مطابق وزیراعظم عمران خان دی صدارت ہیٹھ پارلیمانی پارٹی دا اجلاس ہویا۔ اجلاس وچ وزیر خزانا شوکت ترین نے بجٹ بریفنگ دیندیاں ہویاں بجٹ دے خدوخال بارے اراکین نُوں اعتماد وچ لیا۔ وسیلیاں دے مطابق وزیراعظم نے ڈیسک وجا کے تعریف کیتی۔ شوکت ترین دا کہنا سی کہ لوکاں دا ڈیٹا آ گیا اے‘ ہُن آمدن وسیلے دَسنے پین گے۔ پُچھاں گے کہ بینک و چ رقم کتھوں آئی۔ ہُن ایف بی آر دا رول محدود کر دِتا‘ تاجر اں نُوں تنگ نہیں کر سکے گی۔ اوہناں نے کہیا کہ کساناں نُوں 85 فیصد قرضے گھراں دی دہلیز اُتے دواں گے۔ ایس موقع اُتے وزیراعظم نے کہیا کہ 3 سال توں جہڑیاں تکلیفاں سن ختم ہو گئیاں۔ پہلے دو سال مشکل بجٹ دِتا‘ ہُن خشحالی دا بجٹ اے۔ بجٹ بارے آئی ایم ایف نُوں اپنیاں شرطاں اُتے قائل کر لیا۔ کہندا سی نہ گھبراؤ‘ پر سارے گھبرا گئے۔ وفاقی وزیر خزانا شوکت ترین نے اجلاس نُوں دَسیا بجلی‘ ٹیلی فون‘ موبائل فون بلز دا ڈیٹا نادرا دے کول موجود اے‘ دالاں آپ اُگاواں گے‘ برآمد وی کراں گے۔ ہر غریب کسان نُوں 5 لکھ رُپئے قرضا دِتا جاوے گا‘ کم ودھے گا‘ نوکریاں وی ملن گیاں‘ دنیا دے مقابلے وچ مہنگائی پاکستان وچ گھٹ اے۔ ٹیکس نہ دین دا جر م ثابت ہویا تے جیل گھلاں گے۔ بینکاں وچ 2 کیٹیگریاں بنا دِتیاں۔ 20 ارب ڈالر دا کسارا پہلے تے سی‘ ہُن سبھ بہتر اے۔