دِل دا ہسپتال بنیا جنگ دا میدان ، پنجاب انسٹی ٹیوٹ آف کارڈیالوجی وچ وکیلاں دی توڑ پھوڑ،لوکائی دی وکیلاں دی چھترول،ہنگامے دوران بے گناہ  چلانا کر گئےــــــ رویل نیوز

دِل دا ہسپتال بنیا جنگ دا میدان ، پنجاب انسٹی ٹیوٹ آف کارڈیالوجی وچ وکیلاں دی توڑ پھوڑ،لوکائی دی وکیلاں دی چھترول،ہنگامے دوران بے گناہ چلانا کر گئےــــــ رویل نیوز

لاہور(رویل نیوز)اج دیہاڑے سویرے ساڈے یارھاں وجے وکیلاں نے لاہور دے دِل دے سبھ توں وڈے ہسپتال وچ دھاوا بول دتا ۔اوہناں نے ڈاکٹراں دیاں گڈیاں بنھ دِتیاں ۔ہسپتال دیاں کھڑکیاں دے شیشے توڑ ے تے اوتھے مریضاں توں وکھ ہورناں لوکاں نوں وی ڈنڈیاں دے نال کُٹیا۔وکلا برادری نے ایسی دہشت پھیلائی کہ لوکاں نے نس کے اپنی جان بچائی۔ایس سارے حالات نے لوکائی نوں اندروں ڈرا دتا تے آل دوالے خوف دی فضا پسر گئی۔لوکاں نے وکیلاں نوں گلیاں بازاراں توں پھڑ کے لیاندا تے اوہناں نوں ہسپتال دے ساہمنے لیا کے چھترول کیتا۔ وزیر اطلاعات فیاض الحسن چوہان نے موقعے تے اپڑ کے سارے حالات نوں قابو وچ کرن دا جتن کیتا۔وکیلاں نے وزیر ہوراں نوں وی ایس ہنگامے وچ نہ چھڈیا تے اوہناں تے وی تشدد کیتا۔وزیر صحت ڈاکٹر یاسمین راشد جدوں ہسپتال آئے تاں پیرا میڈیکل سٹاف نے حکومت خلاف نعرے لائے۔