kraamaat@gmail.com
+ +92 333-430-6384


بلبل تے گلاب : آسکر وائلڈ/ترجما: رشپندر سروئے……………٭رویل کہانی٭


آسکر وائلڈ/ترجما: رشپندر سروئے June 14, 2021


بلبل تے گلاب : آسکر وائلڈ/ترجما: رشپندر سروئے……………٭رویل کہانی٭
"اوہ آکھدی سی کہ جے میں اوہدے لئی لال گلاب لے کے آواں تاں اوہ میرے نال نچے گی" نوجوان ودیارتھی نیں اپنے آپ نوں یاد دوایا " پر میرے باغ 'چ تاں اک وی لال گلاب نہیں ۔"
شاہ بلوط دے رُکھ تے بنے آلھنے وچّ بیٹھی بلبل نیں اسدی گلّ سن لئی۔ اوس نے پتیاں وچوں دی چارے پاسے بڑی بے چینی نال ویکھیا۔
"میرے سارے باغ وچ اک وی لال گلاب نہیں !" اوہ درد وچ چیکیا۔ اسدیاں سوہنیاں اکھاں ہنجوواں نال بھر آئیاں۔ "ہائے! خُشی وی کہڑیاں نکیاں-نکی گلاں تے ٹکی اے۔ ودواناں نے جو کجھ لکھیا اے ، اوہ سبھ میں پڑھیا اے،فلاسفی دے سارے بھیداں نوں میں جان دا ہاں۔ پر پھر وی‌ اک لال گلاب دی کمی نیں میرے جیون نوں دُکھی بنا چھڈیا اے۔
"ایہ اک سچا پریمی اے ۔" بلبل بولی "ہر رات جسدے میں گیت گاؤندی رہندی ساں۔ ہر رات جس دیاں کہانیاں میں تاریاں نوں سناؤندی سی۔ اوہ میرے ساہمنے اے۔ اس دے وال گوڑھے پھلاں 'hyacinth-blossom' دی طرحاں کالے رنگ دے نیں۔ اوس دے بلھ گلاب ورگے لال نیں، پر پیار دے آویگ نیں اسدے چہرے نوں پیلا زرد، ہاتھی دے دند رنگا بنا دتا اے ۔ تے دکھاں نے اسدے متھے تے اپنا ٹھپا لا رکھیااے۔
"راج کمار کل رات ناچ دا آیوجن کر راے نیں" اوہ ودیارتھی بولیا، "اتھے میری پیاری وی میرے نال ہوویگی۔ جے میں اوہنوں لال گلاب بھینٹ کراں تاں اوہ میرے نال نچےگی۔ میں اوہنوں اپنیاں باہاں وچ لے لواں گا۔ تے اوہ نچدی-نچدی میرے موڈھے تے اپنا سر ٹکا دیوےگی۔ اسدا ہتھ میرے ہتھ وچّ ہووےگا، پرنتو " ودیارتھی جویں خواب دی نیند وچوں جاگیا "میرے باغ 'چ تاں کوئی لال گلاب اے ہی نہیں ۔ پھیر ؟ میرا خیال اے، میں اتھے اکلا ہی بیٹھا رہانگا۔ اوہ میرے کولوں دی لنگھ جاوے گی۔ اوہنے میری اک نہیں سننی تے آخر میرا دل ٹُٹّ ہی جانا اے۔
"ایہی سچا پریمی اے " بلبل بولی " جس دے گیت میں گاؤندی ہاں، اوہدے کارن ہی ایہ دکھ پا رہیا اے ۔ میرے لئی جو آنند اے اوہی اس لئی درد اے ، سچیں پیار بہوں مُلا اے ۔ ایہ پنے (ہرے رنگ دا قیمتی پتھر) توں وی قیمتی اے تے رتناں توں وی ملوان اے ۔ ایہ موتی تے مانک راہیں وی خریدیا نہیں جا سکدا۔ ناں ہی ایہ بازاراں 'چ وکدا اے ‌ اسنوں کوئی وی وپاری نہیں خرید سکدا تے ناں ہی اس نوں سونے نال تولیا جا سکدا اے۔
"سازندے دلان 'چ بیٹھے ہون گے۔" نوجوان ودیارتھی اپنے-اپنے نال بولن لگا "اوہ اپنے اپنے ساز چھیڑن گے، میری پیاری وینا تے وائلن دی دھن تے اینی پھرتی نال ناچ کرےگی کہ اوہدے پبّ دھرتی دے طلے نال وی نہیں چھوہن گے تے اپنیاں چمکیلیاں پوشاکاں والے درباری اسدے اگے-پچھے گھمدے پھرن گے۔ پر افسوس، اوہنے میرے نال نہیں نچنا ۔ کیونکہ میرے کول اسنوں دین لئی لال گلاب اے ای نہیں۔ " اوہ گھاہ تے لما پے گیا تے اپنا چہرا اپنے ہتھاں نال ڈھکّ کے رون لگّ پیا۔
"اوہ کیوں رو رہیا اے؟ اپنی پونچھ چکی کولوں دی لنگھی نکی جہی ہری چھپکلی نے پچھیا۔
"ہاں آخر کیوں 'پیاری بلبل؟" سورج دی اک کرن دا کھنبھ پھڑپھڑاکے اوسدا پچھا کردی ہوئی تتلی بولی۔
"کیہ گلّ ہوئی؟ اوہ کیوں رو رہیا اے ؟ " ننھے گل بہار نے اپنے نزدیک والے گل بہار توں ہولی جہی آواز 'چ پچھیا۔
"اوہ اک لال گلاب دے لئی رو رہیااے۔" بلبل نے دسیا۔
"اک لال گلاب دے لئی ؟ اوہ سارے اکو سُر 'چ بولے۔ "ایہ وی کوئی گلّ اے رون والی؟ " تے پھر چھوٹی جہی چھپکلی جو گھمنڈی جاے سبھاء دی سی، ٹھہاکا مارکے ہسّ پئی۔
پر بلبل ودیارتھی دے دکھی ہون دے بھید توں جانو ہو گئی۔ اوہ چپ چاپ شاہ بلوط دے درخت اُتے بیٹھی پیار دے بھید بارے سوچن لگّ پئی۔
پھر اچانک اسنیں اڈان بھرن لئی اپنے پورے کھنبھ پھیلائے تے ہوا 'چ اچی اڈّ پئی، اوہ درکھتاں دے جھرمٹ اتوں دی چھاں وانگ اڈدی باغ اتوں دی لنگھ گئی۔ گھاہ دے میدان دے وچکار گلاب دا اک سندر پودا سی۔ اوہنوں دیکھدیاں ہی اوہ اس کول تیزی نال اڈکے آئی تے سہج نال ہی اسدی ٹاہنی اتے آ بیٹھی۔
"مہربانی کرکے مینوں اک لال گلاب دے دیو پیارے ویر " اوہ بولی "بدلے وچّ میں تینوں اپنا سبھ توں مٹھا گیت سناواں گی۔" پر پودے نیں اپنا سر نانہ وچ ہلا دتا۔
اوہ بولیا " میرے گلاب چٹے نیں نکی بلبل بھین! بلکل سمندر دی جھگّ ورگے چٹے تے پہاڑاں دی برف توں وی بہتاسفید۔ توں میرے بھرا کول جاہ، اوہ پرانی دُھپ گھڑی دی نزدیک ای اے ۔ جو تینوں چاہیدا اے اوہی دے سکدا اے ۔ "

بلبل اڈکے پرانی دُھپّ گھڑی دے لاگے اگے ہوئے گلاب دے پودے کول پہنچی۔ " مہربانی کرکے، مینوں اک لال گلاب دے دیو پیارے ویر۔ بدلے وچّ میں تہانوں اپنا سبھ توں مٹھا گیت سناواںگی۔" پر اس پودے نیں وی انکار وچّ سر ہلا دتا تے بولیا " پیاری بلبل بھین، میرے گلاب پیلے نے" 'amber' امبر (پراچین سمیں وچّ ملن والا اک پیلا تے بھورا پدارتھ) دے تخت تے بیٹھن والی جلپری دے والاں ورگے تے گھاہ دے میداناں وچّ اگن والے نرگس دے پھلاں توں وی زیادہ پیلے، جسنوں جدوں تکّ مالی اپنی داتی لے کے کٹن نہیں آ جاندا۔ توں ودیارتھی دی کھڑکی دے تھلے اگن والے میرے بھرا کول جا ۔ شاید جو تینوں چاہیدا اے اوہ دے سکدے۔ "
بلبل اڈّ کے اس کھڑکی تھلے اگن والے پودے کول جا پہنچی " لال گلاباں والے پیارے ویر، مہربانی کرکے مینوں اک لال گلاب دے دے۔ بدلے وچّ میں تینوں اپنا سبھ توں مٹھا گیت سناواںگی۔"
پر اس پودے نیں وی انکار کر دتا ۔ " میریئے نکیئے پیاری بلبل بھینے ، میرے گلاب لال نے جویں گھگی دے پنجے ہوندے نیں لال-لال۔ ایہ سمندر دیاں کندراں 'چ لہراؤن والے بھونگاں دے جھنڈاں توں وی ودھ لال نیں۔ پر افسوس، ٹھنڈ نیں میریاں ناڑاں نوں سنّ کر دتا اے، تے ککر نیں میریاں کلیاں نوں مدھول چھڈیا اے۔ طوفاناں نے میریاں ٹاہنیاں نوں جھمب سٹیا اے ۔ ہن اس سال میرے کول کوئی لال گلاب نہیں ہون گے۔ "
"پر مینوں تاں صرف اک لال گلاب ہی چاہیدا اے ۔ " بلبل نے ترلا کیتا "صرف اک گلاب۔ کی کوئی اجہیا طریقا نہیں؟ جس نال اوہ مینوں مل سکے۔"
"اک طریقا اے ۔" پودے نے کہیا، " پر ایہ اجہیا بھیانک اے کہ تینوں دسن دا میرا ہوسلاں نہیں ہو رہیا ۔
"مینوں دسّ" بلبل نڈر ہو کے بولی۔
"جے تینوں لال گلاب چاہیدا اے " پودے نے کہیا، تاں توں اجہیا گلاب چاننی رات وچّ اپنے سنگیت دوارا بنا سکدی ہیں۔ پر اسنوں تینوں اپنے دل دے لہو نال رنگکے لال بناؤنا پویگا۔ توں اپنی چھاتی وچّ میرے اک کنڈے نوں ونھ کے میرے لئی گاوینگی۔ ساری رات تینوں میرے لئی گاؤنا پوےگا۔ کنڈا تیرے دل وچ پورا کھبھیا ہونا چاہیدا اے ۔ تیرے جیون دا رقت میریاں دُھمنیاں وچوں دی لنگھ کے میرا ہو جاوےگا۔"
"موت اک لال گلاب لئی بہت وڈی قیمت اے ۔ بلبل بولی۔ "تے اپنی جان سبھ نوں بہت پیاری ہندی اے ۔ ہرے-بھرے جنگل وچّ بیٹھ کے سورج نوں اپنے سنہرے تے چندرما نوں اپنے موتی دے رتھّ تے آنؤدے دیکھن وچّ بڑا آنند اے ۔ ناگپھانی دی مہک کنی بھنی-بھنی ہندی اے۔ وادیاں 'چ لکے-چھپے نیلوفر (گھنٹی پشپ) اتے پہاڑی تے کھڑھن والی جھاڑبیری کنی سوہنی لگدی اے۔ پھر وی پیار جیون توں بہتر اے ۔ تے پھر کسے منکھ دے دل دی تلنا وچّ کسے پنچھی دا دل بھلا کیہ اے ؟
اسنے اڈان لئی پورے کھنبھ پھیلائے اتے ہوا وچّ اڈّ گئی۔ اوہ درکھتاں دے جھرمٹ اتوں دی چھاں دی طرحاں اڈدی ہوئی پورے باغ اُتوں دی لنگھ گئی۔
نوجوان ودیارتھی حالے وی گھاہ اتے ہی لیٹیا پیا سی۔ جتھے اوہ اسنوں چھڈّ کے گئی سی۔ اسدیاں اکھاں وچوں حالے وی ہنجو رُکے نہیں سن۔
"خُش ہو جاؤ۔ پیارے ودیارتھی " بلبل بولی "خوش ہو جاؤ۔ کیونکہ تینوں اپنا لال گلاب ملیگا۔ میں چاننی رات 'چ اپنے گیت راہیں اسنوں پیدا کرونگی اتے اپنے دل دے لہو نال اسنوں رنگ دیوانگی۔ پر بدلے وچّ میں تاں صرف انھاں ہی چاہندی ہاں کہ توں سچا پریمی بنے۔ کیونکہ پیار، درشن شاشتر توں کتے زیادہ بدھی مان ہوندا اے ۔ بھاویں درشن شاشتر بہت بدھی مان اے ، اوہ شکتی نالوں ادھکّ بلوان ہندا اے ۔ حالانکہ شکتی بہت بلوان ہندی اے ۔ اسدے کھنبھ بلدی لاٹ دے رنگ ورگے ہندے نیں ، تے اسدا سریر وی جوالا دے رنگ دا ہوندے۔ اسدے بلّ شہد ورگے مٹھے تے اسدیاں ساہاں لبان دی طرحاں ہوندیاں نیں۔"
ودیارتھی نیں گھاہ اتے بیٹھیاں ہی اپر ولّ ویکھیا،اسنے سنیا وی پر اوہ سمجھ نہیں سکیا کہ بلبل آخر کہہ کیہ رہی اے ۔ کیونکہ اوہ تاں صرف اوہناں گلاں نوں ہی جاندا سی جو کتاباں وچّ ہی لکھیاں سن۔ پرنتو شاہ بلوط دا درختّ سبھ سمجھ گیا۔ اوہ اداس ہو گیا کیونکہ اسدیاں ٹاہنیاں تے پائے ہوئے آلھنے والی ننھی بلبل نوں اوہ بہت پیار کردا سی۔
"مہربانی کرکے میرے لئی اک آخری گیت ہی گا دے ننھی بلبلے " اوہ بولیا " کیونکہ تیرے جان پچھوں میں بہت اکلا ہو جاؤنگا۔ " پھر بلبل نیں درختّ نوں اپنا گیت سنایا۔ اسدی آواز اینی مدھر سی ، جویں کسے چاندی دے کلش تے کلکل-چھل چھل کردی کوئی جلدھارا ڈگّ رہی ہووے۔ جدوں اسدا گیت سماپت ہو گیا۔ ودیارتھی اپنی جگھاں توں اٹھیا ۔ اہنیں اپنی جیب وچوں کاپی تے پینسل کڈھی۔
"اس کول روپ تاں اے " اوہ اپنے آپ نال ہی بولدا ہویا درختاں دے جھرمٹ توں باہر نکل آیا ، "اس توں انکار نہیں کیتا جا سکدا۔ پر کہ اس کول بھاوناواں وی نیں؟ مینوں نہیں لگدا۔ دراصل اوہ بہوتیاں کلاکاراں دی طرحاں اے ۔ اس وچّ اداواں تے شیلی تاں اے ۔ نشکپٹ آپناپن نہیں، اوہ دوسریاں خاتر آتم-سمرپن نہیں کر سکدی۔ اوہ صرف سنگیت دے بارے ہی سوچدی رہندی اے تے ایہ تاں سارے ہی جاندے ہن کہ کلا سوارتھی ہندی اے ۔
پر پھر وی ایہ تاں مننا پویگا کہ اسدی آواز 'چ کجھ کمال دا دل کھچواں سر اے ۔ کنِے افسوس دی گلّ اے کہ اوہ بہت ارتھہین اے تے استوں کوئی لابھ نہی ہو سکدا۔ " اوہ اپنے کمرے وچّ آکے اپنے چھوٹے جاے پلنگھ تے لیٹ گیا۔ اوہ اپنے پیار بارے سوچدا رہیا تے کجھ سمیں بعد اسنوں نیند آ گئی۔ جدوں آکاش وچّ چن چڑھیا تاں بلبل اڈکے گلاب دے پودے تے آ بیٹھی اہنیں اپنی چھاتی وچّ اسدے کنڈے نوں ونھ لیا۔ ساری رات اوہ کنڈے نوں اپنی چھاتی سنگ ونھ کے گاؤندی رہی۔ تے ٹھنڈا بلوری چن تھلے جھک کے سندا رہیا ۔ ساری رات اوہ گانؤدی رہی تے کنڈا اسدے دل دی گہرائی تکّ کھبھدا چلا گیا۔ اسدا جیون رکتن اس وچوں لگاتار وہندا گیا۔
پہلاں اسنے اک گبھرو تے مٹیار دے دل وچّ پیار پیدا ہون والا گیت گایا۔ جس نال گلاب دے پودے تے سبھ توں اپرلے 'spray' ٹوسے اتے اک سندر گلاب اُگّ آیا۔ جویں-جویں گیت اگے ودھدا گیا، گلاب دیاں پنکھڑیاں وی اک-اک کرکے پیدا ہندیاں گئیاں۔ پہلاں اوہ پیلا سی جویں صبح سویرے پیلی ندی تے پھیلیا ہویا کوہرا ہووے تے اوہ پربھات دے چاندی ورگے کھنبھاں وانگ پورا چٹا سی جویں کسے گلاب دا عکس چاندی دے شیشے تے پے رہیا ہووے جاں پھر کسے تلاب 'چ گلاب دا پرچھاواں ہووے۔ کجھ اجہیا ہی سی اوہ گلاب جو پودے دی سبھ توں اچے ٹوسے تے اگّ آیا سی‌ پھر اک درخت نے بلبل نوں چیخ کے کیہا کہ کنڈے نوں اپنی چھاتی وچّ تھوڑا ہور کھوبھ لوے۔ " تھوڑا ہور زور نال کنڈے نوں اپنی چھاتی سنگ ونھ لے ننھی بلبل" اوہ تھوڑا اچی بولیا " نہیں تاں پھلّ دے پوری طرحاں کھڑھن توں پہلاں ہی سویر ہو جاوے گی۔" اس اپرنت بلبل نیں اپنی چھاتی نوں کنڈے نال تھوڑا ہور کس کے ونھ لیا تے اسنے ہور وی اچے سر وچّ گاؤنا شروع کر دتا۔ ایہ اک آدمی تے عورت دی روح وچ جاگن والے پیار دے جنونّ دا گیت سی۔ ہن گلاب دیاں نازک پنکھڑیاں وچّ اک ہلکے گلابی پن دا آگمن ہون لگّ پیا۔ جویں جدوں کوئی لاڑا اپنی سجّ-ویاہی وہوٹی دا چمن لیندا اے تے اسدا چہرا ہلکا گلابی جہیا ہو جاندا اے ۔ پر کنڈا اجے وی پوری طرحاں اسدے دل تکّ نہیں پہنچیا سی۔ اس کارن گلاب دا دل وی حالے تکّ چٹا-سپھیدا ہی پیا سی۔ کیوں جے کسے بلبل دے دل دا لہو ہی گلاب دے دل نوں لال رنگ دے سکدا اے ۔
پھر درخت نے بلبل نوں اچی بول کے کہیاکہ کنڈے نوں اپنی چھاتی وچّ ہور کھوبھ لوے۔ " ہور زور نال کنڈے نوں اپنی چھاتی سنگ ونھ لے ننھی بلبل ، نہیں تاں پھلّ دے پوری طرحاں کھڑھن توں پہلاں ہی سویر ہو جاوے گی۔" اس تے بلبل نیں کنڈے نوں آپن دل وچّ پوری طرحاں کھوبھ لیا۔ ہن کنڈا اسدے دل نوں چھوہ رہیا سی۔ درد دی اک تکھی چیس اسدے سریر وچّ دوڑ پئی۔ ایہ درد بڑھا ہی تکھا تے دکھاواں سی۔ تے اسدے نال ہی اسدا گیت ہور وی تیبر ہندا گیا۔ اسنے اوہ پریم دا گیت گایا جو پورن پرم آنند ہندا اے جو امر ہندا اے ۔
ہن اوہ سندر گلاب لال ہو گیا۔ اوہ پورب دی دشا وچوں اگن والے اک گلاب جہیا لال سرخ سی۔ اسدیاں پنکھڑیاں دے کنارے گہرے لال تے دل مانک دے سامان رتے سن۔ پر ہن بلبل دی آواز ہولی ہو رہی سی۔ اسدے نکے نکے کھنبھ پھڑپھڑاؤن لگے اسدیاں اکھاں اگے ہنھیرے دا اک پردہ جہیا آ گیا سی۔ اسدا گیت ہور وی ہولی ہندا گیا آخر اسنوں محسوس ہویا کہ اسدا کنٹھ گاؤن توں اسمرتھ ہو رہیا اے ۔ پھر اسنے گیت دا آخری راگ چھیڑیا ، چٹے چن نیں اسنوں سنیا۔ اوہ سویرے دے بارے بھلّ گیا تے آکاش وچّ ہی رکیا رہیا ۔ لال گلاب نے وی اسنوں سنیا تے اسدا سارا سریر خوشی نال لرجیا۔ اسنے سویر دی ٹھنڈی یخ ہوا وچّ اپنیاں پنکھڑیاں کھولھ دتیاں ۔ پریت دھنی نے پہاڑی دیاں کاشنی کندراں وچوں دی گونجی، جس نال چروااے اپنے سپنیاں توں جاگ اٹھے۔ پریتدھنی نیں ندی دیاں نڑیاں وچوں دی میلدی گئی ایہ سنیہا سمندر تکّ پہنچا دتا۔
"دیکھو ! دیکھو ! " پودا جھمیا، " گلاب ہن پوری طرحاں کھڑچکیا اے ۔ پر بلبل نیں کوئی وی جواب ناں دتا۔ کیوں کہ اوہ تاں اپنے دل وچّ کنڈے نوں کھبھو کے لمی گھاہ تے مری پئی سی۔
دُپہر ہوئی تاں ودیارتھی نیں اپنی کھڑکی کھولھ کے باہر ولّ تکیا۔ "آہا میری قسمت کنی تیز اے ۔ اوہ خشی نال نچّ اٹھیا۔ "کِناسرخ گلاب اے ۔ میں اپنی زندگی وچّ کدے وی ایہو جہیا گلاب نہیں دیکھیا‌ ایہ ایناسوہنا اے ، ضرورلاطینی زبان وچّ اسدا کوئی وڈا سارا نام ہووےگا۔" پھر اسنے ہیٹھاں جھک کے اسنوں توڑ لیا۔ استوں بعد اسنے اپنا ہیٹ پہنیا تے ہتھ وچّ گلاب لے کے پروفیسر دے گھر ولّ بھجیا۔
پروفیسر دی لڑکی مکھ دوار 'چ بیٹھی اک پھرکی تے نیلا ریشم لپیٹ رہی سی اوہدا چھوٹا کتا اسدے پیراں لاگے ہی بیٹھا سی۔
"توں کہیا سی کہ جیکر میں تیرے لئی اک لال گلاب لے کے آواں تاں توں میرے نال نچےگی۔" اوہ بولیا ،" ایہ دیکھ میں تیرے لئی دنیاں دا سبھ توں لال تے خوبصورت گلاب لے کے آیا ہاں۔ توں اج راتیں جد اس نوں اپنے دل دے نال لاوے گی تے جدوں آپاں اکٹھے نچاں گے تاں ایہ تینوں دسیے گا کے میں تینوں کِنا پیار کرداں ہاں۔ پر لڑکی نے متھے تے وٹّ پا لیا "اس نوں پرے رکھ۔ ایہ میری پوشاک نال میل نہیں کھاندا اتے منتری دے بھتیجے نے میرے لئی کجھ اصلی جواہرات بھیجے نیں۔ نالے ایہ تاں سارے چنگی طرحاں جاندے نیں کہ جواہرات، پھلاں نالوں کتے زیادہ قیمتی ہندے نیں۔"
"سچیں! توں کنی اکرتگھن اے۔ " ودیارتھی نیں غصے نال کیہا ۔ اسنے اوہ پھلّ اس گلی وچکار ای سٹّ دتا جتھے ایہ اک گندے ٹوئے وچّ جا ڈگیا تے اک چھکڑے دے پہیے تھلے آکے کچلیا گیا۔
"نا شکرا ؟ ہُوں! " اوہ بولی " میں دساں توں کون اے؟ توں اک اجڈّ تے گستاخ اے۔ نال توں ہیں کیہ؟ اک ودیارتھی! مینوں لگدا تیرے کول تاں منتری دے بھتیجے دے موجیاں تے لگے چاندی دے بکل تکّ نہیں۔" اس توں بعد اوہ کرسی توں اُٹھ کے اندر چلی گئی ۔
"پیار وی کیسی سدھڑ بلا آ اے۔ تردے-تُردے ودیارتھی بولیا۔ "ایہ ترک توں ادھی ماتر وی فایدے مند نہیں۔ کیوں جے اس وچّ کجھ وی سدھ نہیں کیتا جا سکدا۔ تے ایہ ہمیشا کجھ اجہیاای دسدا رہندا اے جو ہونا وی نہیں ہندا۔ ایہ ہمیشا اجہیاں گلاں تے بھروسا کرواؤندا اے جو سچیاں نہیں ہوندیاں۔ اصل وچ ایہ ای ناممکن اے ۔ جد کہ اج دے زمانے وچّ حقیقت ای سبھ کجھ اے ۔ میں فلسفے ول جاواں گا تے روحانیت دا مطالعاکراں گا۔ " اپنے کمرے وچ واپس آ کے ایہنے اک وڈی موٹی کتاب کڈھی تے اوس تے جمی دُھوڑ نوں جھاڑ کے پڑھن وچّ جُٹّ گیا۔

٭٭٭٭٭