ملک وچ کرونا نال ہور 27 بندے چلانا کر گئے،کرونا کیسز مثبت آن دی شرح 1.69 فیصد ریکارڈ: این سی او سی……٭رویل خبر٭

اسلام آباد (نیوز ڈیسک) ملک وچ کرونا وائرس نال ہور 27 بندے چلانا کر گئے جد کہ 663 نویں مثبت کیسز رپورٹ ہوئے نیں۔ نیشنل کمانڈ اینڈ اپریشن سینٹر ولوں جاری بیان مطابق پچھلے 24 گھنٹیاں دوران ملک وچ کرونا دی تشخیص لئی 39 ہزار 17 ٹیسٹ کیتے گئے جہناں وِچوں 663 بندیاں وچ کرونا وائرس دی تصدیق ہوئی۔ ایس طرحاں کرونا کیسز مثبت آن دی شرح 1.69 فیصد رہی۔ ملک وچ ہُن تک کرونا دے مصدقا مثبت کیساں دی گنتی 949,838 ہو گئی اے جہدے وِچوں 894,352 روگی شفا یاب ہو چکے نیں۔ پچھلے دن ایس وباء نے ہور 27 بندیاں دیاں زندگیاں نُوں نگل لیا۔ ایس طرحاں واصل ہون والیاں دی مجموعی گنتی 22 ہزار 34 ہو گئی اے۔