وزیراعظم عمران خان دا سوانیاں بارے بیان افسوسناک اے،کپڑیاں دا ریپ نال وکئی تعلق نہیں اے: بلاول بھٹو……٭رویل خبر٭

اسلام آباد (نیوز ڈیسک) پاکستان پیپلز پارٹی (پی پی پی) دے چیئرمین بلاول بھٹو زرداری دا کہنا اے کہ کپڑیاں دا ریپ نال کوئی تعلق نہیں اے۔ پارلیمنٹ ہاؤس وچ میڈیا نال گلبات کردیاں ہویاں پی پی چیئرمین دا کہنا سی کہ وزیراعظم عمران خان دا سوانیاں بارے بیان افسوسناک اے سانوں مظلوم دا ساتھ دینا چاہیدا اے‘ بہانے بنا کے ظالم دا ساتھ نہیں دینا چاہیدا اے۔ اوہناں دا کہنا سی کہ وزیراعظم نُوں لفظاں دا چناؤ سوچ سمجھ کے کرنا چاہیدا اے ایہو جہے بیانات نال ظالم نُوں فایدا اپڑدا اے ایہناں دے بیان توں لگدا اے زیادتی دا شکار ہون والیاں نال زیادتی ہو رہی اے۔ اوہناں نے کیا کہ کپڑیاں دا ریپ نال کوئی تعلق نہیں ے‘ بچیاں توں لے کے وڈیاں تک لوک زیادتی دا شکار ہو رہے نیں‘ سبھ توں ودھ ریپ دا شکار سوانیاں ہو رہیاں نیں‘ سانوں سوانیاں لئی سٹینڈ لینا پوے گا۔