kraamaat@gmail.com
+ +92 333-430-6384


گیس دی قیمت وچ 37 فیصد وادھا ……٭رویل خبر٭


نمائندا رویل June 23, 2021


لاہور (نیوز ڈیسک) سوئی ناردرن گیس کمپنی نے گیس دی قیمت وچ 37 فیصد وادھا کرن د ا فیصلا کیتا اے تے ایس سلسلے وچ اِک سمری اوگرا نُوں گھل دِتی اے۔ سمری وچ کہیا گیا اے کہ اوگرا نے جے گیس دیاں قیمتاں وچ وادھے دی منظوری نہ دِتی تے کمپنی لئی 28 لکھ صارفین نُوں گیس دا کنکشن دینا مشکل ہو جاوے گا جد کہ ایس حوالے توں اوگرا دا کہنا اے کہ اوہناں نے سوئی ناردرن گیس کمپنی ولوں گیس دی قیمت وچ وادھے بارے درخاست اُتے عاید کیتے گئے اعتراضات سُن لئے نیں‘ گیس دی قیمت وچ وادھا کرن یاں نہ کرن دا فیصلا بعد وچ کیتا جاوے گا۔ اوگرا نے اعتراضات دی روشنی وچ جواب دیندیاں ہویاں کہیا اے کہ سوئی گیس دی ونڈ دا فارمولا سیاسی نہیں سگوں خالصتن عوامی مفاد اے تے ایس فارمولے دے تحت اوگرا گیس دے گھریلو صارفین نُوں ترجیح دیندی اے۔دوجے پاسے چار دن وچ ایل پی جی دی قیمت وچ تیجی وار وادھا ہو گیا اے‘ 6.09 رُپئے وادھے نال فی کلو مجموعی قیمت وچ 16.09 رُپئے‘ گھریلو سلنڈر 191.92 تے کمرشل سلنڈر 756.75 رُپئے مہنگا ہو گیا۔ نویں وادھے نال ایل پی جی دی قیمت 155 رُپئے وادھے نال فی کلو مجموعی قیمت وچ 16.09 رُپئے‘ گھریلو سلنڈر 191.93 تے کمرشل سلنڈر 756.75 رُپئے مہنگا ہو گیا۔ نویں وادھے نال ایل پی جی دی قیمت 155 رُپئے فی کلو‘ گھریلو سلنڈر 1829 رُپئے تے کمرشل سلنڈر 7037 رُپئے دا ہو گیا اے۔