کوئی وی سوانی ویاہ بعد ای مکمل ہوندی اے: ریما ……٭رویل خبر٭

لاہور (نیوز ڈیسک) اداکارا ریما نے کہیا اے کہ میرے ذاتی خیال دے مطابق کوئی وی سوانی ویاہ دے بعد ای مکمل ہوندی اے‘ لوکاں دی رائے مختلف ہو سکدی اے پر اصل حقیقت ایہو اے تے ساریاں نُوں پتا اے۔ اِک انٹرویو وچ ریما نے کہیا کہ ویاہ توں پہلے تے ویاہ دے بعد دی زندگی وچ زمین اسمان دا فرق اے‘ ویاہ توں پہلے تہاڈے اُتے کوئی ذمے داری نہیں ہوندی پر ویاہ دے بعد تہانوں اپنیاں ذمے داریاں دا احساس ہوندا اے‘ ویاہ تے بالاں دی پیدایش دے بعد زندگی وچ خشگوار تبدیلی آندی اے۔ اوہناں نے کہیا کہ میرے ذاتی خیال دے مطابق کوئی وی سوانی ویاہ دے بعد مکمل ہوندی اے تے ایس حقیقت توں کوئی وی انکار نہیں کر سکدا‘ جہڑے لوک ایہدے اُلٹ خیال کردے نیں شاید زندگی دے کسے حصے وچ پہنچ کے اوہناں نُوں ایہدا ضرور احساس ہووے۔