”مومو“ دا کردار میری شخصیت نال نتھی ہو چُکیا اے: حناء دلپذیر ……٭رویل خبر٭"

لاہور (نیوز ڈیسک) نامور اداکارا حناء دلپذیر نے کہیا اے کہ کئی کردار تہاڈی شخصیت دا حصا بن جاندے نیں تے ”مومو“ دا کردار وی ایہو جہیا ای اے جو میری شخصیت دے نال نتھی ہو چُکیا اے۔ اِک انٹرویو وچ اداکارا نے کہیا کہ میں کئی یادگار کردار نبھائے نیں پر ”بلبلے“ وچ نبھایا گیا کردار میری شخصیت دا لازمی جزو بن چُکیا اے تے جے کدھرے باہر جاواں تے بچے تے وڈے ایہ نہیں کہندے کہ اوہ اداکارا یاں حناء دلپذیر جا رہی اے سگوں سارے کہندے نیں اوہ ”مومو“ جا رہی اے۔ اوہناں نے کہیا کہ ہو سکدا اے کوئی ایہو جہیا کردار مل جاو ے جہڑا ایس کردار دی چھاپ ہٹا دیوے پر حالے تک جنے وی کردار نبھائے نیں اوہ ایس کردار دی تھاں نہیں لے سکے۔